Levitikas 25:14 - Pijin Bible

¹⁴ So, sapos eniwan long yufala hemi laek fo salem lan go long nara man, o peim lan olsem, yufala mas no ravem yufala.

Pijin Deuterocanon

¹⁴ So, sapos eniwan long yufala hemi laek fo salem lan go long nara man, o peim lan olsem, yufala mas no ravem yufala.

Levitikas 25:14 ပူးပေါင်းရင်းမြစ်များ

2 Kronikols 16:10

Disfala toktok hemi mekem King Asa fo kros tumas long profet. Hemi kros fogud, so hemi putum profet ya long prisin. An stat long datfala taem, hemi gohed fo spoelem samfala pipol blong hem.

Sams 10:18

An bae yu nao yu herem krae blong olketa ya, wetem olketa pikinini wea mami an dadi blong olketa i dae finis. Bae yu nao yu helpem olketa an yu jajem olketa long stretfala wei, mekem olketa pipol i no save mekem olketa fo fraet moa. (Singsing blong Deved.)

Provebs 14:31

Man hemi mekful long puaman, hemi tingdaonem God hu hemi mekem man. Man hemi kaen long puaman, hemi tinghae long God.

Provebs 21:13

Yu no herem olketa pua pipol, no eniwan bae herem yu.

Provebs 22:16

Wanfala man mekful long puaman fo kamap ris, narafala man givim presen long risman, tufala evriwan save lus.

Provebs 28:16

Bikman hu hemi no garem save, hemi mekful long pipol. Bat bikman hu hemi les fo ravem eniwan, hemi garem longfala laef.

Provebs 28:3

Bikman hu hemi mekful long puaman, hemi olsem saekloun wea i spoelem gaden.

Provebs 28:8

Yu kamap ris from ravis wei wea yu mekem olketa peim bikfala intres long kaon, bae yu lusim seleni go long nara man hu save givim go long pua pipol

Eklesiastes 5:8

Yu no sapraes sapos yu lukim olketa bikman i gohed fo mekful long olketa pua pipol, an stopem olketa fo no kasem raet blong olketa, an no jajem olketa long stretfala wei. Olketa bikman ya i no tinghevi long olketa pua pipol bikos olketa stap nomoa andanit long paoa blong narafala bikman moa hu i bos long olketa. Olketa narafala bikman ya tu i duim semsamting, bikos olketa tu i stap andanit long paoa blong olketa bos.

Aesaea 1:17

Yufala mas lanem nomoa olketa wei wea hemi stret. Yufala mas kipim disfala wei fo duim olketa samting long stretfala wei, an yufala mas stretem nogud wei blong pipol hu i gohed fo spoelem olketa narafala pipol. Yufala mas helpem olketa pikinini wea mami an dadi blong olketa i dae finis, an olketa wido tu.”

Aesaea 33:15

Olketa pipol hu i falom stretfala wei an oltaem talem olketa tru toktok, olketa ya nao i olsem: Olketa no yusim paoa blong olketa fo fosim pipol fo givim seleni long olketa, an olketa no letem narafala pipol fo nilam olketa fo seleni, an olketa nating joen wetem olketa pipol hu i plan fo kilim dae olketa narafala pipol. Ya, olketa nating tingim nao fo duim enikaen ravis samting.

Aesaea 5:7

Disfala plantesin long grep tri blong Yawe hu hemi garem evri paoa, hem nao olketa pipol blong Israel. Ya, yufala olketa pipol blong Jiuda i olsem wanfala plantesin wea hemi laekem tumas. Yawe hemi ekspektem yufala fo jajem stret olketa narafala pipol, bat yufala gohed nomoa fo kilim dae olketa pipol. Hemi ekspektem yufala fo falom stretfala wei, bat yufala gohed nomoa fo mekem olketa safa tumas.

Aesaea 58:6

“Wei wea mi Yawe mi laek fo lukim nao hemi olsem: Yufala mas no spoelem moa olketa pipol, an yufala mas aotem hadwaka wea yufala givim long olketa fo mekem olketa safa, an yufala mas letem olketa fo go fri.

Jeremaea 22:17

“!Bat yu! Yu gohed nomoa fo traehad fo winim olketa samting long wei wea hemi no stret. Oltaem nomoa yu gohed fo kilim dae olketa hu i no duim nomoa eni rong samting, an fo mekful long olketa pipol, an fo ravem olketa nogud.”

Esikiel 22:7

No eniwan long taon ya hemi gohed fo tinghae long dadi an mami blong hem. Yufala gohed fo ravem olketa strensa, an yufala gohed fo spoelem olketa wido an olketa pikinini wea mami an dadi blong olketa i lus.

Levitikas 19:13

“An yufala mas no ravem o mekful long wantok blong yufala. An taem yufala tekem eniwan fo duim waka blong yufala, yufala mas no kipim pei blong hem go kasem neks de. Yufala mas peim hem long sem de wea hemi waka.

Levitikas 25:15

Olsem, yufala mas mekem praes blong lan fo fitim namba blong olketa yia wea datfala lan hemi save givim kaikai long man hu hemi peim, go kasem yia wea bae datfala lan hemi mas gobaek fri long man hu hemi onam fastaem.

Levitikas 25:17

Yufala mas no raverave long eniwan blong yufala. Bat yufala mas tinghae long mi bikos mi nao Yawe, God blong yufala.”

Maeka 7:3

Evri pipol i save tumas long hao fo duim olketa nogud samting. Olketa bikman i waka tugeta fo mekem olketa ravis plan. Oltaem olketa lida an olketa jaj i letem olketa pipol fo nilam olketa long seleni. Olketa bikman ya i fosim pipol fo duim nomoa wanem olketa laekem.

Gudnius abaotem Jisas Kraes wea Luk hemi raetem 3:14

An samfala soldia askem hem moa, “?Waswe long mifala? ?Wanem nao mifala mas duim?” Nao Jon hemi ansarem olketa olsem, “Yufala mas no laea long eniwan o fosim eniwan fo givim seleni long yufala. Bat yufala mas hapi nomoa long wejis wea yufala tekem.”

1 Korin 6:8

!Bat yufala ya, nomata yufala evriwan i Kristin, yufala nao i spoelem yufala seleva an yufala gohed fo stilim olketa samting tu long yufala seleva!

Jajis 4:3

Sif ya hemi garem 900 kaat fo faet wea i garem aean wil. An pipol blong Israel i stap andanit long paoa blong sif ya fo tuenti yia. Long datfala taem, hemi mekem pipol blong Israel barava safa tumas. So olketa krae go long Yawe fo hemi helpem olketa.