Levitikas 23:42 - Pijin Bible

⁴² Yufala evriwan long laen blong Israel, mas stap long olketa smolfala lif haos fo sevenfala de.

Pijin Deuterocanon

⁴² Yufala evriwan long laen blong Israel, mas stap long olketa smolfala lif haos fo sevenfala de.

Levitikas 23:42 ပူးပေါင်းရင်းမြစ်များ

Jenesis 33:17

Bat Jekob hemi go long ples ya wea olketa kolem Sukot, wea hemi wakem wanfala haos blong hem, an hemi wakem olketa bus haos fo olketa animol blong hem. Dastawe olketa kolem ples ya “Sukot” o “Olketa bus haos”.

Jeremaea 35:10

Mifala gohed fo stap long haostent nomoa, an mifala gohed nomoa fo obeim evrisamting wea olo blong mifala Jonadab bin talem long mifala bifoa.

Hosia 12:10

“Long bifoa, mi tok long olketa profet an somaot olketa spesol drim long olketa, mekem olketa talemaot olketa samting fo wonem yufala.

Hosia 12:9

Bat Yawe hemi tok olsem, “Mi nao Yawe hu mi God blong yufala, an mi nao mi tekemaot kam olketa grani blong yufala bifoa from Ijip. Nomata yufala ris distaem, bat bae mi mekem yufala fo stap moa insaet long olketa haostent. Ya, bae yufala stap olsem olketa grani blong yufala bin duim bifoa insaet long drae eria, long taem wea mi bin kam long olketa an lukaftarem olketa.

Levitikas 23:34

“Talem olketa blong Israel wea evri yia, long disfala mekseven mans, long mekfiftin de blong hem, yufala mas mekem Bikde fo Stap long Smolfala Lif Haos, an disfala bikde hemi mas gohed fo sevenfala de.

Levitikas 23:41

Evri yia, long mekseven mans, yufala mas mekem disfala bikde fo mekhae long Yawe fo sevenfala de. Hem nao lo blong disfala bikde wea yufala mas obeim olowe.

Nambas 24:2

Hemi lukim ples wea olketa haostent blong evri traeb blong Israel i stap long hem. Den Spirit blong God hemi kam long hem,

Nambas 24:5

!Ples blong yufala long laen blong Jekob hemi barava naes tumas! !Ya, olketa hom blong yufala long Israel i nambawan!

2 Korin 5:1

Yumi save dat taem disfala bodi blong yumi long wol hemi dae, bae yumi go stap long niu bodi wea God bae hemi givim long yumi long heven. God nao hemi mekem disfala niu bodi, an diswan hemi save stap evritaem olowe nomoa.