Levitikas 22:29 - Pijin Bible

²⁹ “Taem yufala mekem sakrifaes fo talem tengkiu long mi, yufala mas duim long stretfala wei fo mekem mi save hapi long hem.

Pijin Deuterocanon

²⁹ “Taem yufala mekem sakrifaes fo talem tengkiu long mi, yufala mas duim long stretfala wei fo mekem mi save hapi long hem.

Levitikas 22:29 ပူးပေါင်းရင်းမြစ်များ

Sams 107:22

Olketa mas mekem olketa sakrifaes fo tengkiu long hem, an olketa mas talemaot evrisamting wea hemi bin duim, long olketa hapi singsing.

Sams 116:17

Bae mi mekem sakrifaes fo tengkiu long yu. Ya, bae mi prea fo tengkiu long yu.

Hosia 14:2

Tanem tingting blong yufala an kambaek moa long Yawe. Yufala mas prea olsem long hem, “O Yawe. Plis yu lisin kam long prea blong mifala an aotem olketa sin blong mifala. An bae mifala preisim yu fo hemi olsem sakrifaes go long yu.

Levitikas 22:30

Yufala mas kaikaim olketa mit blong disfala sakrifaes long de wea yufala sakrifaesim, yufala mas no kipim eni haf go kasem neks de. Mi nao Yawe.

Levitikas 7:11

Yawe hemi gohed fo tok olsem, “Hem ya nao lo blong sakrifaes fo somaot dat man hemi stapgud wetem mi.

Emos 4:5

Taem yufala bonem bred wetem yist fo tengkiu long mi, yufala gohed nomoa fo sin. An taem yufala givim kam olketa ofaring long mi wea hemi ovam mak wea Lo hemi putum, yufala tok praod tumas an gohed fo haemapem yufala seleva long hem. !Hem nao olketa samting wea yufala laekem tumas fo duim!? Hem nao mesij blong Lod Yawe.

Hibrus 13:15

So from wanem Jisas hemi duim fo yumi, yumi mas mekhae long God oltaem an talemaot dat hemi Masta blong yumi. Long wei ya nao, wei blong yumi fo preisim hem hemi olsem sakrifaes long God.

1 Pita 2:5

yufala tu i kamap olsem olketa ston wea i garem laef. An long paoa blong Holi Spirit, God hemi yusim yufala fo bildim tambuhaos blong hem. An yufala nao i olketa holi prist blong God. An long nem blong Jisas Kraes, yufala save ofarem olketa sakrifaes long God wea hemi hapi tumas long olketa.