Levitikas 22:25 - Pijin Bible

²⁵ Yufala no save tekem kaen animol olsem from eniwan hu i no blong Israel, an yufala mas nating ofarem hem ya olsem tambu kaikai long mi. Kaen animol ya hemi no fit an hemi garem samting rong long bodi blong hem, so mi nating hapi long kaen sakrifaes wea i yusim.”

Pijin Deuterocanon

²⁵ Yufala no save tekem kaen animol olsem from eniwan hu i no blong Israel, an yufala mas nating ofarem hem ya olsem tambu kaikai long mi. Kaen animol ya hemi no fit an hemi garem samting rong long bodi blong hem, so mi nating hapi long kaen sakrifaes wea i yusim.”

Levitikas 22:25 ပူးပေါင်းရင်းမြစ်များ

Esikiel 44:7

Yufala gohed fo letem nomoa olketa man blong narafala kantri hu i no kate, an no obeim mi, fo go insaet long tambuples blong mi. Long disfala wei, yufala brekem finis spesol agrimen wea mi bin mekem wetem yufala, an yufala mekravis long Tambuhaos blong mi taem olketa tekem olketa gris an blad blong animol fo sakrifaesim kam long mi.

Levitikas 21:6

“Olketa prist mas stap holi fo mi, God blong olketa, an olketa mas no spoelem nem blong mi, bikos olketa nao ofarem olketa sakrifaes fo mekem olketa kaikai i wanfala tambu samting. Dastawe olketa mas holi gud.

Levitikas 21:8

Olketa pipol blong Israel mas lukim dat evri prist hemi holi, bikos olketa nao ofarem sakrifaes long olketa kaikai wea i tambu. Olketa pipol mas save dat evri prist hemi holi bikos mi nao Yawe, mi holi, an mi mekem olketa pipol blong mi fo holi.

Levitikas 22:26

Yawe hemi gohed fo tok olsem long Mosis,

Efesas 2:12

Long bifoa, yufala barava farawe from Kraes, an yufala i no pat blong pipol blong Israel wea God hemi siusim olsem spesol pipol blong hem. Long taem ya, yufala i stap aotsaet long olketa spesol agrimen wea God hemi mekem wetem olketa pipol blong hem nomoa. An yufala stap long disfala wol bat yufala no garem eni promis fo weitem, an yufala no save long God.

1 Jon 5:18

Yumi save dat eniwan hu hemi bon kam olsem pikinini blong God, hemi no gohed fo sin. Bikos San blong God hemi lukaftarem hem, hem nao Seitan hemi no save spoelem hem.