Levitikas 20:23 - Pijin Bible

²³ Bae yufala mas no falom olketa ravis kastom blong olketa hiden pipol blong kantri wea mi ronemaot olketa fo mekem yufala save go stap long hem. Olketa hiden pipol i bin duim olketa ravis samting, dastawe mi barava les long olketa.

Pijin Deuterocanon

²³ Bae yufala mas no falom olketa ravis kastom blong olketa hiden pipol blong kantri wea mi ronemaot olketa fo mekem yufala save go stap long hem. Olketa hiden pipol i bin duim olketa ravis samting, dastawe mi barava les long olketa.

Levitikas 20:23 ပူးပေါင်းရင်းမြစ်များ

Sams 78:59

Taem hemi lukim olketa samting ya, hemi barava kros fogud, so hemi barava les finis long olketa nao.

Levitikas 18:24

“Evrikaen wei ya i save mekem yufala fo no klin long ae blong mi, so yufala mas no duim olketa ravis samting ya. Olketa laen long Kenan i duim olketa kaen samting ya wea hemi mekem olketa fo nating klin long ae blong mi, dastawe bae mi ronem olketa aot an givim lan blong olketa long yufala.

Levitikas 18:25

Diskaen wei blong olketa hemi mekem lan ya fo no klin long ae blong mi, so mi bin panisim hem. Panis ya hemi mekem disfala lan hemi olsem man hu hemi laek vomet, so lan hemi toraotem pipol wea i bin stap long hem.

Levitikas 18:3

Yufala bin stap long Ijip bifoa, an distaem mi tekem yufala go long Kenan, bat yufala mas no falom olketa ravis wei blong olketa pipol blong tufala kantri ya.

Levitikas 18:30

“Nao yufala mas obeim disfala toktok fo no falom olketa ravis wei blong olketa wea i stap fastaem long lan wea bae yufala go stap long hem. Yufala mas no duim olketa samting ya wea hemi mekem yufala fo no klin long ae blong mi, bikos mi nao Yawe, God blong yufala.”

Sekaraea 11:8

Trifala narafala man fo lukaftarem sipsip wea mifala waka tugeta i nating laekem mi, trifala agensim mi go-go mi taet long trifala. From samting ya nao, insaet long wanfala mans mi ronemaot trifala.

Diutronomi 9:5

Ya, hemi tru wea bae hemi letem yufala tekova long lan ya, bat hemi no bikos yufala i gud an falom olketa stretfala wei. !Nomoa nao! Bae hemi ronemaot olketa ya bikos olketa falom olketa wei nogud, an bikos hemi duim wanem hemi bin promisim long olketa olo blong yufala, Ebraham an Aesak an Jekob.