Levitikas 19:35 - Pijin Bible

³⁵ “Yufala mas no ravem eniwan taem yu salem enisamting. Yufala mas no skelem o mesarem datfala samting long ravis wei.

Pijin Deuterocanon

³⁵ “Yufala mas no ravem eniwan taem yu salem enisamting. Yufala mas no skelem o mesarem datfala samting long ravis wei.

Levitikas 19:35 ပူးပေါင်းရင်းမြစ်များ

1 Kronikols 23:29

Olketa lukaftarem tambu bred wea olketa prist i putum long Tambu Tebol. An olketa lukaftarem flaoa wea olketa prist bonem fo mekem sakrifaes, an bred wea i no garem yist long hem, an olketa bred wea olketa bekem long aven. An oltaem, olketa gohed fo skelem evrisamting wea olketa yusim an miksim fo mekem olketa kaen sakrifaes ya.

Provebs 11:1

Yawe les long raverave skel, stretfala skel, hemi hapi long hem.

Provebs 16:11

Evri stretfala skel i blong Yawe, bikos hem nao mekem stretfala wei fo skelem evrisamting.

Provebs 20:10

Yawe les long raverave skel. Kaen nogud skel olsem, hemi heitem.

Esikiel 45:10

“Yufala mas yusim olketa stret mak an olketa skel wea hemi stret, an no laea long olketa pipol. Taem yufala skelem hevi blong samting, o yufala mesarem haomas lita blong samting, yufala mas duim long wei wea hemi stret fogud. Yufala mas yusim mak fo skelem o fo mesarem wea evriwan long yufala agri dat hemi stretwan.”

Levitikas 19:15

“Taem yufala jajem wantok long kot, yufala mas jajem hem long stretfala wei. Sapos puaman hemi go long kot, yufala no saetem hem tumas bikos hemi pua. An sapos risman hemi go long kot, yufala mas no tinghae tumas long hem bikos hemi risman. Yufala mas jajem tufala long sem wei nomoa.

Maeka 6:1

(Profet) !Yufala kam long kot blong Yawe an lisin kam gudfala long olketa toktok wea Yawe hemi talem agensim yufala! Yawe. Plis yu kam an talemaot olketa toktok blong yu agensim olketa pipol. Yu tokstrong, mekem olketa maonten an olketa hil save herem toktok blong yu.

Matiu 7:2

bikos wei wea yufala jajem nara man, bae God hemi jajem yufala long hem tu ya. An watkaen lo yufala yusim fo jajem nara man, bae God hemi yusim diswan tu fo jajem yufala long hem.

Diutronomi 25:13

“Yufala mas no yusim tufala deferen samting fo skelem olketa kaikai yufala salem mekem yufala ravem eniwan.

Diutronomi 25:15

“Taem yufala skelem hevi blong samting, o yufala skelem haomas lita blong samting, yufala mas yusim olketa samting fo mekem hemi stret fogud. Sapos yufala duim olsem, bae yufala save stap longtaem long lan wea Yawe hemi givim long yufala.