Levitikas 19:15 - Pijin Bible

¹⁵ “Taem yufala jajem wantok long kot, yufala mas jajem hem long stretfala wei. Sapos puaman hemi go long kot, yufala no saetem hem tumas bikos hemi pua. An sapos risman hemi go long kot, yufala mas no tinghae tumas long hem bikos hemi risman. Yufala mas jajem tufala long sem wei nomoa.

Pijin Deuterocanon

¹⁵ “Taem yufala jajem wantok long kot, yufala mas jajem hem long stretfala wei. Sapos puaman hemi go long kot, yufala no saetem hem tumas bikos hemi pua. An sapos risman hemi go long kot, yufala mas no tinghae tumas long hem bikos hemi risman. Yufala mas jajem tufala long sem wei nomoa.

Levitikas 19:15 ပူးပေါင်းရင်းမြစ်များ

Stori abaotem Job 13:8

?Waswe, yutrifala laek fo mekem God hemi fevarem yutrifala? ?Waswe, yutrifala tingse yutrifala save sapotem kes blong God long kot?

Stori abaotem Job 32:21

Job, bae mi no saet wetem yu, an mi no save saet wetem trifala ya tu. An bae mi no trae fo suitim eniwan long yufala.

Stori abaotem Job 34:19

Hemi no saet wetem olketa lida, an hemi no fevarem olketa risman winim olketa puaman, bikos hem nomoa hemi mekem olketa evriwan.

Sams 82:2

Nao hemi tok olsem long olketa, “Yufala mas no jajem olketa pipol long wei wea hemi no stret, an yufala mas no saet moa wetem olketa nogud pipol.

Eksodas 18:21

Bat hemi gud sapos yu siusim samfala gudfala man, an yu mekem olketa fo kamap lida fo olketa pipol ya. Samfala bae i lida long 1,000 pipol, an samfala bae i lida long 100 pipol, an samfala bae i lida long 50 pipol, an samfala bae i lida long tenfala pipol. Olketa ya mas olketa man hu i tinghae long God, an wea olketa pipol save trastem olketa, an wea i no save ravem pipol.

Provebs 18:5

I no stret fo saet wetem man hu hemi brekem lo. An i nating stret fo mekem man hu hemi no brekem lo no win long kot.

Provebs 24:23

Hem nao olketa waes toktok tu. Jaj hemi mas no saet wetem eni man long kot.

Provebs 31:9

Yu mas tok stret taem yu jajem olketa pipol. Yu mas gadem raet blong pua pipol an olketa hu i garem hadtaem.”

Levitikas 19:35

“Yufala mas no ravem eniwan taem yu salem enisamting. Yufala mas no skelem o mesarem datfala samting long ravis wei.

Gudnius abaotem Jisas Kraes wea Jon hemi raetem 7:24

Yufala mas stop fo jajem olketa samting falom wanem hemi lukgud long aotsaet nomoa. Bat yufala mas jajem evrisamting falom wanem hemi barava tru nao.”

Aposol 23:3

So Pol hemi sei long hem, “!Yu olsem ravis fens wea olketa bin traehad fo mekem lukgud nomoa! !God bae hemi slapem yu ya! Yu sidaon fo kotem mi falom Lo ya, bat yu seleva nao yu brekem Lo taem yu talem olketa man fo slapem mi.”

Diutronomi 1:17

An taem yufala jajem pipol, yufala mas jajem long stretfala wei nomoa an no teksaet wetem eniwan. Nomata man hemi bikman o hemi man nating, yufala mas no fraetem eniwan an gohed fo jajem evriwan nomoa long wei wea hemi fitim tingting blong God. An sapos wanfala trabol hemi bikfala tumas, an yufala no fit fo stretem, bae yufala mas tekem kam long mi, an bae mi stretem.’

Diutronomi 10:17

Yawe, God blong yufala, hemi ovarem eni narafala god. An hemi Masta ovarem eni nara masta. Hem nao hemi Hae God hu i garem evri paoa an evriwan nao i fraetem hem. Taem hemi jajem eniwan, hemi no save fevarem wan saet nomoa, an hemi no save tekem enisamting fo mekem hem no jaj long stretfala wei.

Diutronomi 16:19

Olketa mas no falom wei wea hemi no stret. Olketa mas no saet wetem samfala man nomoa. Olketa mas no letem eniwan nilam olketa, bikos olketa nila i save mekem jaj hemi blaen nomata hemi waes, an hemi mekem jaj fo no tok stret long olketa kes.

Diutronomi 27:19

“Trabol bae kasem eniwan hu hemi no falom stretfala wei long kot fo olketa strensa an olketa pikinini wea dadi blong olketa i dae, an olketa wido.’ “An olketa pipol mas ansa olsem, ‘!Hem tru ya!’