Levitikas 19:14 - Pijin Bible

¹⁴ An yufala mas no talem toktok fo mekem trabol i kasem man wea iapas, an yufala mas no mekem eni blaen man fo hemi foldaon, bikos mi nao Yawe, God blong yufala, an yufala mas barava tinghae long mi.

Pijin Deuterocanon

¹⁴ An yufala mas no talem toktok fo mekem trabol i kasem man wea iapas, an yufala mas no mekem eni blaen man fo hemi foldaon, bikos mi nao Yawe, God blong yufala, an yufala mas barava tinghae long mi.

Levitikas 19:14 ပူးပေါင်းရင်းမြစ်များ

Jenesis 42:18

Nao long mektri de, hemi tok olsem long olketa, “Mi man fo tinghae long God ya, an sapos yufala duim olsem wea mi talem, bae mi save letem yufala laef.

Nehemaea 5:15

Bifoa, olketa gavna blong Jiuda bin gohed fo mekem olketa pipol safa. Oltaem, olketa gohed fo tekem olketa kaikai an waen from olketa ya, an olketa tekem tu haf kilo silva. An olketa wakaman blong olketa gavna i gohed fo bosim nogud olketa pipol. Bat mi no laekem fo duim olsem, bikos mi tinghae long God, an mi laekem fo obeim hem.

Sams 111:10

Eniwan hu hemi laek fo kamap waes hemi mas tinghevi long Yawe. Ya, hemi givim gudfala tingting long olketa hu i obeim olketa gudfala toktok blong hem. Yumi mas preisim hem olowe.

Levitikas 19:15

“Taem yufala jajem wantok long kot, yufala mas jajem hem long stretfala wei. Sapos puaman hemi go long kot, yufala no saetem hem tumas bikos hemi pua. An sapos risman hemi go long kot, yufala mas no tinghae tumas long hem bikos hemi risman. Yufala mas jajem tufala long sem wei nomoa.

Levitikas 19:32

“An yufala mas stanap fo somaot dat yufala tinghevi long olketa olo. An yufala mas tinghae long mi, God blong yufala. Mi nao, mi Yawe.

Levitikas 25:17

Yufala mas no raverave long eniwan blong yufala. Bat yufala mas tinghae long mi bikos mi nao Yawe, God blong yufala.”

Leta wea Pol hemi raetem go long sios long Rom 12:14

Yufala mas askem God fo blesim olketa pipol hu i mekem yufala safa. Yufala mas blesim olketa an no tokspoelem olketa.

Leta wea Pol hemi raetem go long sios long Rom 14:13

So yumi mas stop fo jajem nara Kristin. An yufala mas no duim enisamting wea hemi save mekem Kristin fren blong yufala fo foldaon long sin.

1 Korin 10:32

Yufala mas stap long wei wea yufala no spoelem eniwan, nomata hemi Jiu o hemi no Jiu o hemi blong sios blong God.

Diutronomi 27:18

“Trabol bae kasem eniwan hu hemi lidim blaen man go long rong rod.’ “An olketa pipol mas ansa olsem, ‘!Hem tru ya!’

1 Pita 1:17

Yufala gohed fo prea long God an kolem hem Dadi blong yufala. Bat hemi no save fevarem eniwan, an hemi jajem evriwan falom olketa samting wea olketa seleva i duim. Olsem, taem yufala laef yet long disfala wol, yufala mas tinghae long hem olowe.

1 Pita 2:17

Yufala mas tinghae long evriwan, an yufala mas lavem olketa nara Kristin. Yufala mas mekhae long God, an yufala mas tinghae tu long King long Rom.

Revelesin 2:14

‘Bat samfala samting nomoa mi no laekem long yufala. Samfala pipol long yufala, olketa gohed fo falom nomoa tising blong profet Balam, wea bifoa hemi tisim King Balak abaotem wei fo trikim pipol blong Israel fo foldaon long sin. Hemi mekem olketa kaikaim mit wea olketa bin sakrifaesim finis long laea god, an hemi mekem olketa fo durong wetem olketa woman.