Lamentesin 5:19 - Pijin Bible

¹⁹ Bat yu, Yawe, yu nao yu king fo evritaem olowe.

Pijin Deuterocanon

¹⁹ Bat yu, Yawe, yu nao yu king fo evritaem olowe.

Lamentesin 5:19 ပူးပေါင်းရင်းမြစ်များ

Sams 10:16

Lod Yawe yu nao yu King, an bae yu gohed fo rul olowe nao. Olketa hu i wosipim olketa narafala god, bae i finis from ples blong yu.

Sams 102:12

Bat yu Lod Yawe, bae yu King olowe nao. An evriwan wea i bon kam bihaen, bae i gohed fo tingim yu.

Sams 145:13

Yu nomoa yu king, an bae yu rul evritaem olowe nao. Oltaem Yawe hemi kipim olketa promis blong hem, an evrisamting wea hemi duim, hemi somaot dat hemi kaen tumas long yumi.

Sams 146:10

Yawe, hemi King olowe. Yumi olketa pipol long Saeon, rul blong God blong yumi ya bae hemi no save finis. !Yumi preisim Yawe!

Sams 29:10

Nomata olketa wata i ran bikfala, Yawe hemi gohed fo rulim olketa. Hemi King an bae hemi gohed fo rul olowe nao.

Sams 45:6

Paoa fo kamap king wea God nao hemi givim long yu, bae hemi stap long yu evritaem olowe. Yu rulim olketa pipol blong yu long wei wea hemi stret fogud.

Sams 9:7

Yawe bae hemi King olowe nao. Hemi sidaon finis long tron blong hem fo jajem olketa pipol.

Sams 90:2

God, bifoa long taem wea yu wakem disfala wol an yu no mekem olketa maonten yet, yu bin stap olowe finis. Yu nao yu God, an bae yu gohed fo stap olowe nao.

Sams 93:2

Lod Yawe, bifoa yu mekem evrisamting long disfala wol, yu bin King finis Yu nao yu king hu hemi stap olowe.

Daniel 2:44

Long taem blong olketa king ya, disfala God long heven bae hemi mekem wanfala kingdom fo kamap wea no eniwan save spoelem enitaem. An bae no eni narafala king moa save winim hem. Disfala kingdom ya bae hemi pisisim finis olketa narafala kingdom, an rul blong hem bae hemi stap evritaem olowe.

Daniel 7:14

Nao Man ya hu hemi bin stap kam fo evritaem olowe hemi mekem disfala man fo kamap king, an hemi barava mekhae long hem, an hemi givim bikfala paoa long hem, mekem evri pipol blong evri kantri, an evri kala, an evri langguis, bae i wosipim hem. Paoa blong hem fo rul bae hemi stap olowe, an kingdom blong hem bae hemi no save finis.

Daniel 7:27

Paoa an hae nem blong evri king long disfala wol, wetem evri gudfala samting insaet long kingdom blong olketa, God hu hemi barava hae tumas bae hemi givim long olketa pipol blong hem. Bae kingdom blong olketa hemi no save finis. An bae evri king long wol i mekhae long olketa, an obeim olketa.”

Habakuk 1:12

(Profet) Lod Yawe. Longtaem bifoa evrisamting hemi stat ka-kam kasem tude, yu nao yu God. Yu nomoa yu Holi God blong mi, an bae yu stap fo evritaem olowe. Yawe God blong mi, yu nao yu olsem strongfala Rok wea hemi sefples blong mi. Yu nao yu siusim olketa blong Babilonia an givim paoa long olketa fo panisim mifala.

Gudnius abaotem Jisas Kraes wea Jon hemi raetem 1:38

Nao taem Jisas hemi luk kambaek, hemi lukim tufala ya wea i go bihaen long hem nao. Nao Jisas hemi askem tufala olsem, “?Wanem nao yutufala laekem?” So tufala sei long hem, “?Rabae, wea nao yu stap?” Disfala toktok “Rabae” hemi minim tisa.

Diutronomi 33:27

Yufala save stap sef long God hu hemi stap olowe. Oltaem nomoa, hemi gohed fo holem yufala long han blong hem. Long taem wea hemi talem yufala fo spoelem enemi blong yufala, bae hemi ronemaot olketa.

1 Timoti 1:17

God nao hemi King olowe nomoa an hemi no save dae enitaem. No eniwan save lukim hem, bat hem nomoa hemi God. Letem evriwan mekhae long hem an preisim hem olowe, go-go hemi no save finis. Amen.

Hibrus 13:8

Jisas Kraes hemi semsem nomoa, stat kam bifoa an kam kasem distaem an go-go olowe.

Revelesin 1:4

Mi Jon, mi raet go long yufala evriwan long sevenfala sios long provins long Esia. Letem kaenfala lav an piis hemi stap wetem yufala. Lav an piis ya hemi stat kam long God wea hemi stap olowe bifoa, an wea hemi stap distaem, an wea bae hemi kam. Lav an piis ya hemi kam from seven gudfala spirit tu, wea olketa stap long frant long tron blong God wea hemi sidaon fo rul.

Revelesin 1:8

God Masta blong yumi hu hemi garem evri paoa an hu hemi stap olowe bifoa, an hu hemi stap distaem, an hu bae hemi kam, hem nao hemi talem olsem, “Mi nao mi faswan bifoa evrisamting, an bae mi laswan tu bihaen evrisamting ya.”