Lamentesin 3:33 - Pijin Bible

³³ Hemi no filhapi taem hemi mekem olketa pipol fo safa, an mekem trabol fo kasem olketa.

Pijin Deuterocanon

³³ Hemi no filhapi taem hemi mekem olketa pipol fo safa, an mekem trabol fo kasem olketa.

Lamentesin 3:33 ပူးပေါင်းရင်းမြစ်များ

Stori abaotem Job 37:23

Paoa blong God hu hemi garem evri paoa, hemi bikfala tumas, yumi no save go kolsap long hem. Bikos wei blong hem hemi barava stret fogud, hemi no save spoelem eniwan.

Sams 119:67

Bifoa, taem yu no bin panisim mi yet, mi bin falom olketa wei wea hemi rong, bat distaem, mi falom nao olketa tru toktok blong yu.

Sams 119:71

Hemi gud nao yu panisim mi, bikos hemi mekem mi fo save long olketa lo blong yu.

Aesaea 28:21

Bae Yawe hemi barava spoelem yufala olsem wea hemi bin duim bifoa long maonten ya long Perasim an long bikfala vali ya long Gibeon. Disfala waka wea hemi plan fo duim, bae hemi luk barava narawei nao olsem wea yufala bin nating lukim bifoa.

Lamentesin 3:34

God hemi save, taem enemi hemi step long yumi taem yumi stap long prisin.

Esikiel 18:32

Mi nating hapi taem eniwan hemi dae. !So tanebaek from sin blong yufala, mekem yufala save laef! Hem nao mesij blong mi Lod Yawe.”

Esikiel 33:11

“Yu mas talem olketa dat mi tok olsem: Olketa pipol blong Israel. Mi talem stret long yufala long nem blong mi Lod Yawe hu mi laef olowe: Mi nating hapi fo lukim dat olketa nogud pipol dae long sin blong olketa. Mi laekem tumas fo lukim dat olketa save tanem tingting blong olketa, an lusim olketa sin blong olketa, mekem olketa save garem laef. !Tanem tingting blong yufala, yufala pipol blong Israel! Yufala mas finisim olketa ravis wei blong yufala. ?Waswe nao yufala laek fo dae?