Kolosi 3:19 - Pijin Bible

¹⁹ An yufala olketa man, yufala mas lavem gud olketa waef blong yufala an no tokstrong long olketa.

Pijin Deuterocanon

¹⁹ An yufala olketa man, yufala mas lavem gud olketa waef blong yufala an no tokstrong long olketa.

Kolosi 3:19 ပူးပေါင်းရင်းမြစ်များ

Jenesis 24:67

Nao Aesak hemi tekem gele ya fo go stap long haostent ya wea mami blong hem Sera hemi bin stap long hem bifoa, an hemi maritim hem nao. Aesak hemi lavem gele ya tumas so sore blong hem long dae blong mami blong hem hemi finis.

Eklesiastes 9:9

Nomata laef blong yu hemi no fitim tingting blong yu, God hemi givim hem long yu. So evri de, yu mas hapi long disfala laef wetem waef blong yu wea yu lavem tumas. Hem nao wanem yu mas duim long disfala laef wea hemi no fitim tingting blong yu, an long olketa hadwaka blong yu long disfala wol.

Gudnius abaotem Jisas Kraes wea Luk hemi raetem 14:26

“Eniwan hu hemi kam long mi wea hemi laek fo kamap disaepol blong mi, hemi mas lavem mi moa winim hao hemi save lavem mami an dadi blong hem an waef blong hem an olketa pikinini blong hem an olketa brata an sista blong hem, an nomata laef blong hem seleva tu.

Leta wea Pol hemi raetem go long sios long Rom 3:14

Maos blong olketa hemi fulap long olketa nogud toktok fo spoelem pipol.

Efesas 4:31

Yufala mas lusim evri wei fo tingting nogud abaotem eniwan, an fo tingting fo spoelem eniwan, an fo kros long eniwan. An yufala mas lusim evri wei fo raoa, an fo toksuea, an fo garem enikaen nogud filing fo nara man.

Efesas 5:25

Yufala man hu i marit, yufala mas lavem olketa waef blong yufala barava olsem Kraes hemi lavem sios. Dastawe hemi letem hem seleva fo dae fo sios,

Efesas 5:33

Bat disfala toktok hemi abaotem yufala tu ya. So evri man mas lavem waef blong hem olsem hemi lavem hem seleva, an evri waef mas tinghae long hasban blong hem.

Kolosi 3:21

Yufala olketa dadi, yufala mas no mekem olketa pikinini blong yufala fo kamap kros, nogud olketa filnogud tumas.

Jemes 3:14

Bat sapos tingting blong yufala hemi fulap long enikaen wei fo joles an kros, an yufala tingting long yufala seleva nomoa, oraet, yufala mas lukaot. Nogud yufala praod nating nomoa an yufala sei yufala garem waes tingting, bat hemi nating tru.

1 Pita 3:7

Yufala olketa marit man, yufala mas tingting gud long waef blong yufala bikos olketa i no strong olsem yufala man. An yufala mas tinghae long olketa bikos God hemi givim laef long olketa olsem hemi givim long yufala. Yufala mas duim diswan, mekem no enisamting save stopem olketa prea blong yufala.