Kolosi 3:18 - Pijin Bible

¹⁸ Yufala olketa woman, from yufala Kristin hemi gud fo yufala mas obeim olketa hasban blong yufala.

Pijin Deuterocanon

¹⁸ Yufala olketa woman, from yufala Kristin hemi gud fo yufala mas obeim olketa hasban blong yufala.

Kolosi 3:18 ပူးပေါင်းရင်းမြစ်များ

Jenesis 3:16

Nao Yawe hemi tok olsem long woman ya, “Bae mi mekem hadtaem fo yu taem yu babule, an bae yu filnogud tumas long bodi blong yu. An bae yu filpein tumas long taem yu bonem pikinini. Bat bae yu gohed fo laekem hasban blong yu seleva, an bae hemi bos long yu.”

Esta 1:20

An taem evriwan long kingdom blong yu i herem niu lo ya blong yu, bae evri waef save tinghevi long hasban blong olketa. An nomata olketa i bikman o man long ples nomoa, bat olketa waef blong olketa tu bae i save tinghevi long olketa.”

Aposol 5:29

Nao Pita hemi talem ansa blong olketa aposol, wea hemi sei, “Mifala mas obeim God, mifala no save obeim olketa pipol nomoa.

1 Korin 11:3

Bat distaem mi laekem yufala fo savegud dat God nao hemi hed blong Kraes, an Kraes nao hemi hed blong evri man, an evri man nao hemi hed blong waef blong hem.

1 Korin 14:34

hemi gud fo olketa woman fo stap kuaet nomoa taem yufala prea. Olsem Lo blong Mosis hemi talem dat olketa woman mas no toktok an no kamap bos.

Efesas 5:22

Yufala woman hu i marit, yufala mas putum yufala seleva andanit long paoa blong olketa hasban blong yufala, olsem yufala save duim long Masta,

Efesas 5:3

Yufala i holi pipol blong God, an hemi no fitim fo yufala mekem eniwan save tingse dat yufala save durong wetem eniwan, o duim enikaen ravis samting olsem moa, o fo kavetem olketa samting blong nara pipol.

Efesas 5:9

bikos wei blong laet nao hemi save mekem olketa samting wea hemi gud an hemi stret an hemi tru fo kamap.

1 Timoti 2:12

Mi no letem olketa woman fo tis o fo garem paoa ovarem olketa man. Nomoa, olketa mas stap kuaet nomoa.