Kolosi 1:28 - Pijin Bible

²⁸ Mifala gohed fo talemaot Gudnius abaotem Kraes ya long evri pipol, wea mifala gohed fo wonem olketa an tisim olketa gudfala. Mifala yusim olketa waes toktok ya, mekem mifala save helpem evriwan fo grouap strong long biliv long Kraes.

Pijin Deuterocanon

²⁸ Mifala gohed fo talemaot Gudnius abaotem Kraes ya long evri pipol, wea mifala gohed fo wonem olketa an tisim olketa gudfala. Mifala yusim olketa waes toktok ya, mekem mifala save helpem evriwan fo grouap strong long biliv long Kraes.

Kolosi 1:28 ပူးပေါင်းရင်းမြစ်များ

Esra 7:25

“Yu, Esra, yu garem waes wea God blong yu hemi givim long yu. Long waes ya, yu mas siusim olketa sif an olketa jaj, mekem olketa save jaj long stretfala wei, olketa pipol wea i stap long provins ya long west saet blong Yufretis Riva, hu i falom olketa Lo blong God blong yu. An sapos eni man hemi no save long olketa Lo ya, yufala mas tisim olketa long hem.

Provebs 8:5

Yufala hu i no save tingting stret, yufala kam, bae mi stretem tingting blong yufala. Yufala no garem save, yufala kam, bae mi mekem yufala garem save.

Eklesiastes 12:9

Disfala Waes Tisa hemi gohed fo tisim olketa pipol long olketa samting wea hemi save. Hemi save gud long olketa waes toktok, an hemi gohed fo traem wea olketa i tru o nomoa.

Jeremaea 3:15

Nao bae mi siusim olketa gudfala lida hu i save obeim mi. Bae mi mekem olketa waes an garem save fo lidim yufala.

Jeremaea 6:10

(Profet) ?Long hu nao mi save talemaot woning blong yu? Mi talem long olketa finis, bat olketa les fo lisin nomoa. Olketa heitem fo herem eni Mesij from yu Yawe.

Esikiel 7:10

“!Taem ya hemi kam nao! Disfala de wea bae mi panisim Israel hemi kam kolsap nao. Pipol i kamap praod fogud, an trabol hemi kamap long evri ples tu.

Matiu 28:20

An yufala mas tisim olketa fo falom evrisamting wea mi bin talem long yufala. An bae mi nao mi stap wetem yufala olowe go-go kasem en long wol.”

Matiu 3:7

Bat taem Jon hemi lukim dat plande long olketa Farasi an olketa Sadiusi olketa kam long hem from olketa tu i wande fo baptaes, hemi sei long olketa nao, “!Yufala olsem olketa snek ya! ?Waswe, yufala tingse sapos yufala baptaes, bae yufala save ranawe from disfala kros blong God wea bae hemi kam ya?

Matiu 5:48

Bat yufala ya, yufala mas barava gudfala tumas olsem Dadi blong yufala long heven hemi barava gudfala tumas.”

Gudnius abaotem Jisas Kraes wea Mak hemi raetem 6:34

Taem Jisas hemi go long soa nomoa, hemi lukim plande pipol tumas nao, so hemi sore tumas long olketa bikos olketa olsem olketa sipsip wea no eni man hemi lukaftarem olketa. So hemi gohed fo tisim olketa long plande samting nao.

Gudnius abaotem Jisas Kraes wea Luk hemi raetem 21:15

Bikos mi nao bae mi givim toktok an gudfala tingting long yufala, mekem no eniwan long olketa enemi blong yufala hemi save tok agensim toktok blong yufala o tokdaonem toktok blong yufala.

Aposol 10:36

Yufala save finis wea God hemi sendem toktok blong hem go long olketa pipol blong Israel. Hemi talemaot disfala Gudnius, wea yumi save garem piis wetem hem bikos long Jisas Kraes Masta blong evriwan.

Aposol 11:20

Bat samfala long olketa Kristin hu i stap kam long Saepras an Saerin, olketa go kasem Antiok an olketa talemaot mesij ya long olketa pipol hu i no Jiu tu. Olketa gohed fo talemaot Gudnius abaotem Jisas Masta blong yumi.

Aposol 13:38

So olketa wantok, mi laekem yufala fo barava savegud olsem, bikos long Jisas nao mifala save talemaot dat God bae hemi save fogivim olketa sin blong yufala. An evriwan hu i biliv long hem, bae olketa kamap stret long ae blong God, an bae olketa fri from olketa sin blong olketa. Bat Lo blong Mosis hemi nating save mekem yufala fri from olketa sin blong yufala.

Aposol 17:18

Nao samfala tisa long tufala seksin wea olketa kolem Epikiurian an Stoek, olketa lisin long Pol. An samfala long olketa sei, “Man ya hemi no save enisamting nomoa ya. ?Wanem nao hemi trae fo talem?” An samfala moa olketa sei, “Ating hemi tokabaotem olketa god blong olketa nara kantri ya.” Olketa gohed fo tok olsem, bikos Pol hemi talemaot Gudnius abaotem Jisas an hao hemi bin laefbaek moa from dae.

Aposol 17:3

an hemi talemaot mining blong olketa toktok ya gudfala. Hemi barava somaot klia long olketa wea God hemi makem Mesaea fo hemi mas safa tumas, an bihaen, hemi mas laefbaek moa from dae. An hemi sei moa, “Disfala Jisas wea mi talemaot long yufala ya, hem nao hemi disfala Mesaea.”

Aposol 20:31

So yufala mas lukaot gudfala. An yufala no fogetem tu, wea olowe nomoa, nomata naet, mi bin tisim yufala an mi bin krae wetem yufala evriwan. An diswan hemi bin gohed fo trifala yia nao.

Aposol 3:20

Sapos yufala duim olsem, bae Masta blong yumi hemi givim niufala strong long yufala. An bae hemi sendem kam disfala Mesaea long yufala, wea hem nao Jisas hu God hemi siusim longtaem i go finis.

Aposol 5:42

An evri de, olketa go-gohed tisim olketa pipol insaet long Tambuhaos an insaet long haos blong olketa pipol seleva. Olketa gohed fo talemaot Gudnius abaotem Jisas hu hemi Mesaea.

Aposol 8:35

So Filip hemi stat fo tokabaotem disfala seksin long Buktambu ya nao an hemi gohed fo talem bikman ya disfala Gudnius abaotem Jisas.

Aposol 8:5

An Filip hemi godaon long biktaon long Samaria, an hemi gohed tu fo talem olketa pipol abaotem disfala Mesaea.

Aposol 9:20

Hemi go stret nomoa insaet long olketa preahaos blong olketa Jiu, an hemi talemaot dat Jisas nao hemi barava San Blong God.

Leta wea Pol hemi raetem go long sios long Rom 16:25

!Yumi mekhae long God! Hem nao hemi save mekem yufala stanap strong long biliv blong yufala, falom Gudnius wea mi talemaot abaotem Jisas Kraes. Long Gudnius ya nao God hemi mekem klia disfala toktok wea hemi staphaed long bifoa kam yet.

1 Korin 1:23

Bat yumi, yumi tokabaotem Kraes hu olketa bin kilim hem dae long kros. Olketa pipol blong Jiu olketa nating laekem disfala toktok, an olketa pipol hu i no Jiu olketa tingse hemi krangge toktok nomoa.

1 Korin 1:30

God nao hemi mekem yufala fo kamap joen wetem Jisas Kraes. An long Kraes nao hemi mekem yumi fo kamap barava waes, an fo kamap stret long ae blong hem seleva, an fo kamap olketa spesol pipol blong hem. Bikos Kraes nao hemi peimaot yumi from olketa sin blong yumi.

1 Korin 12:8

Disfala Holi Spirit ya nomoa hemi givim spesol paoa long samfala pipol fo talemaot waes toktok, an long samfala pipol moa hemi givim paoa fo talemaot toktok wea hemi somaot bikfala save tumas.

1 Korin 15:12

Oltaem mifala talemaot dat God hemi mekem Kraes fo laefbaek moa from dae. ?So hao nao samfala long yufala i talem olketa hu i dae finis olketa no save fo laefbaek moa?

1 Korin 2:15

So eniwan wea hemi garem Holi Spirit, hemi save luksave long evrisamting nomoa, an hemi had fo eni nara man fo jajem hem long enisamting.

1 Korin 2:6

Disfala toktok wea mi talemaot ya hemi barava waes toktok fo olketa hu i grouap strong long laef blong Kristin. An disfala waes toktok hemi barava deferen tumas long save blong olketa man long wol an save blong olketa paoa wea olketa rulim wol, wea olketa i save lus nomoa.

1 Korin 4:14

Mi no raetem disfala toktok long yufala fo mekem yufala filsem. Nomoa. Mi lavem yufala olsem olketa pikinini blong mi, an mi laek fo stretem tingting blong yufala nomoa.

2 Korin 10:14

Sapos mifala no bin kasem yufala, hemi minim mifala tokpraod tumas nao. Bat nomoa. Mifala barava go kasem ples blong yufala wetem disfala Gudnius abaotem Kraes.

2 Korin 11:2

Mi lavem yufala tumas olsem God tu hemi lavem yufala, bikos mi promis finis dat bae yufala maritim nomoa wanfala man, an hem nao Kraes. An long de blong marit, mi laek fo givim yufala go long Kraes wea yufala olsem wanfala yangfala gele hu hemi barava klin.

2 Korin 4:5

Mifala no tokabaotem mifala seleva, bat mifala talemaot Jisas Kraes wea hem nao Masta. An mifala nao wakaman blong yufala bikos mifala falom Jisas.

Efesas 3:8

Nomata mi lou winim evri pipol blong God, God hemi kaen tumas an hemi givim mi disfala waka. Hemi sendem mi go long olketa hu i no Jiu, fo talemaot Gudnius abaotem olketa gudfala samting blong Kraes wea tingting blong yumi no save kasem.

Efesas 5:27

Bikos taem Kraes hemi tekem sios fo kam long hem seleva, hemi laekem sios fo barava luknaes tumas wea hemi no garem enisamting rong long hem bat hemi stret fogud.

Diutronomi 4:5

“Mi tisim yufala finis long olketa lo an rul barava olsem wea Yawe, God blong mi, hemi talem long mi. Mi duim olsem mekem yufala falom olketa lo ya taem yufala stap long lan wea bae yufala tekova long hem.

Kolosi 1:22

Bat from Kraes hemi kamap man olsem yumi an hemi dae, God hemi mekem yufala fo kambaek an fo stapgud moa wetem hem long distaem. Olsem, God hemi save mekem yufala go stanap long frant blong hem, wea yufala barava stret an wea yufala no garem enisamting wea hemi rong long ae blong hem.

Kolosi 2:10

An Kraes hemi hae moa winim evri enjel an evri narakaen paoa moa. An hem nao hemi bin givim tru laef long yufala hu i joen wetem hem.

Kolosi 2:3

An Kraes nao hemi save somaot klia evri gudfala samting blong waes tingting an save blong God wea hemi staphaed fastaem.

Kolosi 3:16

Yufala mas letem toktok ya blong Kraes wea hemi fulap long olketa gudfala samting, fo hemi stap oltaem insaet long maen blong yufala. An yufala mas gohed fo yusim olketa waes toktok fo stretem yufala an fo tisim yufala evriwan gudfala. An hemi gud fo yufala preisim God long maen blong yufala, an gohed fo singim olketa singsing blong Buktambu an olketa singsing blong lotu an olketa nara singsing wea Holi Spirit hemi save givim kam.

Kolosi 4:12

Wantok blong yufala Epafras wea hemi wakaman blong Jisas Kraes, hemi talem halo go long yufala. Oltaem nomoa hemi gohed fo prea strong fo yufala. Hemi askem God fo helpem yufala fo stanap strong finis long Kristin laef blong yufala, an fo mekem tingting blong yufala hemi savegud long evrisamting wea God hemi laekem.

1 Tesalonaeka 4:6

Yufala mas no duim eni ravis samting agensim nara Kristin fren blong yufala, an yufala mas no laea long hem long olketa wei olsem. Mifala talem yufala finis an mifala wonem yufala, Masta blong yumi bae hemi panisim olketa pipol hu i duim olsem.

1 Timoti 3:16

An hemi tru nao, tru tising abaotem biliv long Kraes hemi barava bikfala samting tumas. An tising ya nao hemi olsem, Kraes hemi somaot hem seleva long bodi olsem man. An Holi Spirit hemi somaot dat wei blong Kraes hemi barava stret. An olketa enjel olketa lukim tu. Toktok abaotem hem hemi go-goraon long olketa kantri, an plande pipol long wol i biliv long hem. An God hemi tekem hem goap long heven.

1 Timoti 3:2

Dastawe no enisamting hemi mas rong long laef blong lida long sios ya, an hemi mas garem wanfala waef nomoa. An hemi mas save hao fo lukaftarem hem seleva gud an hemi mas no kros kuiktaem an hemi mas stapgud olowe. An hemi mas lukaftarem gud olketa pipol wea olketa kam kasem ples blong hem, an hemi mas savegud hao fo tis.

Hibrus 10:14

Long disfala wanfala sakrifaes nomoa, hemi mekem stret fogud olketa pipol blong God, an bae olketa stap olsem olowe nao.

Hibrus 13:21

Mi prea wea bae God ya hemi givim evri gudfala samting long yufala, mekem yufala save duim wanem hemi laekem. An mi prea tu wea long paoa blong Jisas Kraes, bae God hemi duim long yumi wanem hem seleva hemi hapi long hem. An bae yumi mekhae long Kraes olowe nao. Amen.

2 Pita 3:15

Masta hemi givim taem fo yufala, dastawe hemi no kam kuiktaem. So yufala mas lukim diswan olsem hemi sans fo hemi sevem yufala. God hemi givim waes tingting long nambawan brata blong yumi Pol, wea hem tu hemi raetem diskaen toktok go long yufala.