Jiud 1:16 - Pijin Bible

¹⁶ Olketa pipol ya, olketa i pipol fo toktok enikaen agensim nara pipol oltaem. Olketa save falom olketa ravis tingting blong olketa seleva an olketa save tokpraod tumas tu, an olketa save suitim olketa nara pipol fo helpem olketa seleva nomoa.

Pijin Deuterocanon

¹⁶ Olketa pipol ya, olketa i pipol fo toktok enikaen agensim nara pipol oltaem. Olketa save falom olketa ravis tingting blong olketa seleva an olketa save tokpraod tumas tu, an olketa save suitim olketa nara pipol fo helpem olketa seleva nomoa.

Jiud 1:16 ပူးပေါင်းရင်းမြစ်များ

Stori abaotem Job 32:21

Job, bae mi no saet wetem yu, an mi no save saet wetem trifala ya tu. An bae mi no trae fo suitim eniwan long yufala.

Stori abaotem Job 34:19

Hemi no saet wetem olketa lida, an hemi no fevarem olketa risman winim olketa puaman, bikos hem nomoa hemi mekem olketa evriwan.

Sams 106:25

Olketa stap nomoa insaet long olketa haostent blong olketa, an olketa toktok agensim Yawe, an olketa nating obeim hem.

Sams 15:4

Hemi no laekem olketa pipol wea i oltaem falom olketa ravis wei, bat hemi gohed fo tinghae long olketa pipol wea i gohed fo obeim yu. Hemi gohed olowe fo duim olketa samting wea hemi promisim, nomata hemi had tumas long hem.

Sams 17:10

Olketa gohed fo tok praod an olketa nating sore nao long eniwan hu hemi garem trabol.

Sams 73:8

Olketa mekfan long olketa stretfala pipol, an toktok nomoa abaotem olketa nogud samting. Olketa praod fogud, an gohed fo mekem nomoa olketa ravis plan fo spoelem olketa narafala pipol.

Provebs 28:21

Hemi no stret fo jaj hemi saetem wanfala man long kot, bat lelebet kaikai nomoa hemi save grisim samfala jaj.

Aesaea 29:24

Ya, olketa wea tingting blong olketa hemi olobaot tumas an olketa hu i save komplen, bae olketa save gudfala long mi an bae olketa obeim olketa tising blong mi.”

Levitikas 19:15

“Taem yufala jajem wantok long kot, yufala mas jajem hem long stretfala wei. Sapos puaman hemi go long kot, yufala no saetem hem tumas bikos hemi pua. An sapos risman hemi go long kot, yufala mas no tinghae tumas long hem bikos hemi risman. Yufala mas jajem tufala long sem wei nomoa.

Nambas 14:36

Tenfala long olketa man wea Mosis hemi bin sendem go fo lukluk long datfala lan, Yawe hemi panisim olketa long wanfala ravis sik wea hemi kilim olketa dae. Hemi duim olsem bikos tenfala ya i talemaot ravis ripot wea hemi mekem olketa pipol fo komplen.

Nambas 16:11

!Yu wetem olketa man blong yu, yufala tingse yufala tok agensim Haeprist Eron. !Nomoa ya! !Yufala tok agensim Yawe!”

Nambas 16:41

Long neks de, olketa pipol i kam an komplen long Mosis an Haeprist Eron olsem, “!Ei! !Yutufala kilim dae olketa man blong Yawe!” An taem olketa komplen finis, olketa luk go long Tambu Haostent blong Yawe, an lukim klaod hemi kavaremap Tambu Haostent an saen blong paoa blong Yawe hemi saen olobaot long datfala ples.

Gudnius abaotem Jisas Kraes wea Luk hemi raetem 15:2

Bat olketa Farasi an olketa tisa blong Lo, olketa stat fo tok agensim Jisas olsem, “Man ya hemi save fren wetem olketa ravis pipol ya an hemi save kaikai wetem olketa tu.”

Gudnius abaotem Jisas Kraes wea Luk hemi raetem 19:7

An taem olketa pipol olketa lukim diswan nomoa, olketa stat fo toktok agensim Jisas olsem, “!Lukim! Man ya hemi go stap long haos blong ravis man ya nao.”

Gudnius abaotem Jisas Kraes wea Luk hemi raetem 5:30

Bat olketa Farasi wea samfala long olketa i tisa blong Lo, olketa kros an olketa tok olsem long olketa disaepol blong Jisas, “?Waswe nao yufala kaikai an dring wetem olketa man fo tekem taks ya an wetem olketa nara ravis pipol ya moa?”

Gudnius abaotem Jisas Kraes wea Jon hemi raetem 6:41

Long taem ya, olketa Jiu i stat fo toktokhaed agensim hem nao, bikos hemi bin talem hem nao kaikai wea hemi kamdaon long heven.

Gudnius abaotem Jisas Kraes wea Jon hemi raetem 6:61

Nomata Jisas hemi no herem, bat hemi save finis wea olketa toktokhaed agensim disfala tising ya. So hemi askem olketa olsem, “?Waswe, disfala tising ya hemi mekem yufala fo no wande fo falom mi nao?

1 Korin 10:10

An yumi mas no toktok kros long God olsem samfala long olketa i duim, wea disfala enjel blong dae nao hemi kilim olketa dae.

Galesia 5:16

Mi talem yufala olsem, yufala mas letem Holi Spirit fo lidim laef blong yufala, mekem yufala no falom disfala wei blong man fo sin.

Galesia 5:24

Olketa pipol blong Kraes, olketa nilam long kros disfala wei blong man fo sin wetem evri ravis tingting fo duim olketa nogud samting.

Diutronomi 1:27

Olketa stap nomoa long olketa haostent an komplen olsem, ‘Ating Yawe hemi les long mifala so hemi tekem mifala kamaot from Ijip fo mekem mifala dae long han blong laen blong Amoa.

Filipae 2:14

Taem yufala gohed fo duim olketa samting, yufala mas no komplen o raoa abaotem.

1 Tesalonaeka 4:5

An yufala mas no laekem tumas fo durong wetem eniwan, olsem olketa pipol hu i no biliv long God.

1 Timoti 6:5

Olketa save raoa olowe nomoa, an olketa no garem eni stretfala tingting, an olketa no save luksave long wanem nao hemi barava tru samting. Olketa tingse wei fo biliv long God hemi wanfala gudfala wei fo kamap ris.

2 Timoti 4:3

Bikos bae yumi kasem taem olketa pipol no wande lisin long tru tising, bae olketa falom tingting blong olketa seleva nomoa. Bae olketa lukaotem olketa tisa olobaot, mekem olketa save herem nomoa tising wea olketa seleva laekem tumas fo herem.

1 Pita 1:14

Bifoa, taem yufala no garem gudfala save yet, yufala falom nogud tingting blong yufala seleva. Bat yufala mas no gohed moa long diswan. Nomoa. Distaem yufala mas obeim God.

1 Pita 2:11

Olketa fren, yufala stap long disfala wol olsem olketa strensa, an yufala no garem eni ples wea hemi barava blong yufala. So mi talem strong long yufala wea yufala mas no falom nogud tingting blong yufala seleva. Bikos nogud tingting ya nao hemi save faet agensim niu laef blong yufala.

1 Pita 4:2

Distaem wea yufala stap yet long disfala wol, yufala mas no falom olketa ravis tingting blong yufala seleva. Nomoa ya. Yufala mas falom wanem God hemi laekem.

2 Pita 2:10

Olketa pipol hu i barava kasem panis ya, hemi olketa ya hu i laekem tumas fo duim ravis samting wetem eniwan, an hu i lukdaon long paoa blong God. Olketa laea tisa tu i bikhed tumas, an olketa laekem nomoa fo falom tingting blong olketa seleva. Olketa no save tinghae long olketa enjel long heven, bat olketa gohed nomoa fo tok nogud abaotem olketa.

2 Pita 2:18

Olketa gohed fo talem olketa praod toktok wea hemi krangge tumas. Olketa gohed fo toksuit mekem olketa pipol wande duim olketa samting blong wei blong sin. An from disfala wei nao, olketa save pulumbaek olketa pipol hu i trae fo lusim ravis wei blong olketa.

2 Pita 3:3

Yufala mas savegud abaotem wanfala samting. Long olketa las de blong disfala wol, samfala pipol bae falom nomoa nogud tingting blong olketa. Olketa man fo tok nogud ya, bae olketa laf nogud long yufala.

Jiud 1:15

Bae hemi jajem evri pipol, an bae hemi panisim evriwan long olketa ravis man wea olketa no obei long hem, bikos olketa nao duim olketa ravis samting an olketa talem olketa ravis toktok agensim hem.”

Jiud 1:18

Olketa bin talem yufala olsem, “Long taem wea wol ya bae hemi kolsap finis, bae samfala pipol olketa save mekfan long wei blong Kraes. Bae olketa falom nomoa ravis tingting blong olketa seleva, wea olketa no save obeim God.”