Gudnius abaotem Jisas Kraes wea Jon hemi raetem 8:37 - Pijin Bible

³⁷ Mi save dat yufala nao long laen blong Ebraham ya. Bat yufala no laek fo falom tising blong mi, an dastawe yufala trae fo kilim mi dae nomoa.

Pijin Deuterocanon

³⁷ Mi save dat yufala nao long laen blong Ebraham ya. Bat yufala no laek fo falom tising blong mi, an dastawe yufala trae fo kilim mi dae nomoa.

Gudnius abaotem Jisas Kraes wea Jon hemi raetem 8:37 ပူးပေါင်းရင်းမြစ်များ

Matiu 13:15

Bikos diskaen pipol ya, tingting blong olketa i sat finis, an ia blong olketa i nating wiling fo herem enisamting, an ae blong olketa, olketa satem tu. Sapos nomoa, ae blong olketa i save luksave, an ia blong olketa i save heresave, an tingting blong olketa i save minim, an olketa save kambaek long mi, mekem mi save mekem olketa gudbaek moa.’

Matiu 3:9

Nao maet yufala tingse God hemi no save panisim yufala bikos yufala bon kam long laen blong Ebraham. Bat mi talem yufala stret, God hemi save mekem olketa ston ya fo kamap pipol fo mekem niufala laen blong Ebraham nomoa ya.

Gudnius abaotem Jisas Kraes wea Jon hemi raetem 10:31

Long taem ya moa, olketa Jiu ya i pikimap ston nao fo sutim Jisas dae long hem.

Gudnius abaotem Jisas Kraes wea Jon hemi raetem 11:53

Stat long disfala de ya, olketa bikman ya i gohed fo mekem enikaen plan fo kilim Jisas nao.

Gudnius abaotem Jisas Kraes wea Jon hemi raetem 5:44

Yufala laekem tumas fo olketa pipol i tinghae long yufala, bat God hu hem nomoa hemi God, yufala nating wari fo duim enisamting fo mekem hem tinghae long yufala. So hemi had tumas fo yufala bilivim mi tu ya.

Gudnius abaotem Jisas Kraes wea Jon hemi raetem 7:1

Bihaen olketa samting ya, Jisas hemi no wande fo goraon insaet long provins long Jiudia nao, bikos olketa bikman blong olketa Jiu long eria ya, olketa wande fo kilim hem dae. So hemi goraon nomoa insaet long provins long Galili.

Gudnius abaotem Jisas Kraes wea Jon hemi raetem 7:19

Mosis hemi givim Lo long yufala. Bat no eniwan long yufala hemi obeim disfala Lo ya. ?Waswe nao yufala laek fo kilim mi dae?”

Gudnius abaotem Jisas Kraes wea Jon hemi raetem 7:25

Nao samfala pipol blong Jerusalem, olketa stat fo toktok olsem, “Ating hem nao disfala man wea olketa bikman i laek fo kilim hem dae ya.

Gudnius abaotem Jisas Kraes wea Jon hemi raetem 8:33

Nao olketa talem Jisas olsem, “Mifala ya, mifala pipol long laen blong Ebraham ya, an mifala nating kamap slev blong eniwan yet ya. ?So waswe nao yu sei bae mifala fri ya?”

Gudnius abaotem Jisas Kraes wea Jon hemi raetem 8:43

?Waswe nao yufala nating save minim nomoa toktok blong mi? Hemi bikos yufala no laek fo herem tising blong mi ya.

Gudnius abaotem Jisas Kraes wea Jon hemi raetem 8:56

Ebraham, dadi blong yufala, hemi hapi tumas from hemi tingim dat bae hemi save lukim taem blong mi ya. Nao hemi lukim diswan finis an hemi hapi long hem ya.”

Gudnius abaotem Jisas Kraes wea Jon hemi raetem 8:59

Long taem ya, olketa lukaotem kam olketa ston fo sutim hem dae nao ya. Bat Jisas hemi go haed nomoa, an hemi lusim Tambuhaos ya nao.

Gudnius abaotem Jisas Kraes wea Jon hemi raetem 8:6

Olketa askem Jisas olsem bikos olketa laek fo trikim hem nomoa ya, mekem olketa save ripotem hem. Bat Jisas hemi bendaon nomoa, an hemi raet long graon wetem fingga blong hem.

Aposol 13:26

“Yufala olketa wantok long laen blong Ebraham, an yufala olketa nara pipol hu i kam fo wosipim God, long yumi nao God hemi givim kam disfala mesij wea bae hemi sevem yumi evriwan.

Leta wea Pol hemi raetem go long sios long Rom 9:7

An hemi no evri pipol hu i bon kam long laen blong Ebraham nao i pipol blong God. Bat olsem olketa raetem finis insaet long Buktambu, “Barava laen blong yu, bae hemi kamaot long laen blong Aesak nomoa.”

1 Korin 2:14

Eniwan wea hemi no garem Holi Spirit, hemi no save tekem olketa spesol paoa wea Spirit blong God hemi givim kam. Man olsem hemi no save minim olketa samting ya, an hemi samting nating nomoa long hem. Holi Spirit ya, hem nomoa hemi save helpem yumi fo luksave long olketa spesol paoa blong hem.

1 Jon 2:14

Mi raet go long yufala evri pikinini blong mi, bikos yufala savegud long Dadi blong yumi. Mi raet go long yufala dadi, bikos yufala save long disfala man hu hemi stap olowe stat kam bifoa. Mi raet go long yufala hu i yang yet, bikos yufala stanap strong an toktok blong God hemi waka insaet long laef blong yufala an yufala winim Seitan finis.