Gudnius abaotem Jisas Kraes wea Jon hemi raetem 6:28 - Pijin Bible

²⁸ Nao olketa askem hem, “?Wanem nao olketa samting wea mifala mas duim, mekem mifala duim nomoa wanem God hemi laekem?”

Pijin Deuterocanon

²⁸ Nao olketa askem hem, “?Wanem nao olketa samting wea mifala mas duim, mekem mifala duim nomoa wanem God hemi laekem?”

Gudnius abaotem Jisas Kraes wea Jon hemi raetem 6:28 ပူးပေါင်းရင်းမြစ်များ

Jeremaea 42:20

Yufala bin falom barava rong rod long tingting blong yufala taem yufala askem mi fo prea long Yawe God blong yufala. Yu bin tok olsem long mi, ‘Plis yu prea long Yawe God blong mifala. Yu talem long mifala evrisamting wea hemi laekem, an bae mifala promis fo duim.’

Matiu 19:16

Nao wanfala ris man hemi kam fo askem Jisas olsem, “?Tisa, watkaen gudfala samting nao mi mas duim, mekem mi kasem tru laef wea hemi no save finis?”

Gudnius abaotem Jisas Kraes wea Luk hemi raetem 10:25

Long wanfala taem, wanfala tisa blong Lo hemi kam an hemi trae fo trikim Jisas. Nao hemi tok olsem, “?Tisa, wanem nao bae mi duim, mekem mi save kasem disfala tru laef wea hemi no save finis?”

Gudnius abaotem Jisas Kraes wea Jon hemi raetem 6:27

Yufala mas no wakahad fo diskaen kaikai wea hemi save nogud kuiktaem nomoa, bat yufala mas wakahad fo diskaen kaikai wea hemi save givim yufala tru laef wea hemi no save finis. Mi San Blong Man, bae mi givim diskaen kaikai long yufala, bikos God Dadi blong yumi hemi somaot finis dat hemi laekem mi.”

Gudnius abaotem Jisas Kraes wea Jon hemi raetem 6:29

Jisas hemi ansarem olketa moa, “Wanem God hemi laekem hemi olsem. Yufala mas biliv long mi wea God hemi sendem mi kam.”

Aposol 16:30

Bihaen, hemi tekem tufala kam aotsaet an hemi askem tufala olsem, “?Wanem nao mi mas duim, mekem God bae hemi sevem mi?”

Aposol 2:37

Nao taem olketa pipol i herem disfala toktok, olketa filnogud tumas an olketa tok olsem long Pita an olketa nara aposol, “?Olketa wantok, wanem nao bae mifala duim?”

Aposol 9:6

Bat yu getap nao an yu go kasem taon ya. Bae wanfala man hemi talem yu wanem yu mas duim bihaen.”

Diutronomi 5:27

Yu gobaek moa, yu lisingud long olketa samting wea hemi talem. Den, bae yu save kam talemaot long mifala evrisamting wea Yawe, God blong yumi, hemi talem. An bae mifala save herem an obeim.’