Gudnius abaotem Jisas Kraes wea Jon hemi raetem 19:29 - Pijin Bible

²⁹ Olketa garem wanfala smol dis wea hemi fulap long waen wea hemi saoa. So olketa tekem wanfala samting wea hemi save holem wata an olketa mekem hem tuwet long waen ya. Bihaen, olketa putum go long wanfala stik an olketa putum goap long maos blong Jisas.

Pijin Deuterocanon

²⁹ Olketa garem wanfala smol dis wea hemi fulap long waen wea hemi saoa. So olketa tekem wanfala samting wea hemi save holem wata an olketa mekem hem tuwet long waen ya. Bihaen, olketa putum go long wanfala stik an olketa putum goap long maos blong Jisas.

Gudnius abaotem Jisas Kraes wea Jon hemi raetem 19:29 ပူးပေါင်းရင်းမြစ်များ

1 Kings 4:33

Hemi save gudfala tumas long olketa tri an gras, stat long olketa bikfala tri olsem sida blong Lebanon, go kasem barava smolfala gras wea i grou long wolston. An hemi save gudfala tumas long olketa animol, an olketa bed, an olketa samting olsem lisad an snek, an olketa fis tu.

Sams 51:7

Plis yu tekemaot olketa sin blong mi, mekem mi klin finis. Plis wasim mi, mekem mi barava waet fogud.

Eksodas 12:22

Olketa ya mas tekem smolfala brans blong hisop, an olketa mas putum go long blad blong animol wea i stap long besin, an mas pendam long tufala saet an antap long frem long doa blong haos blong olketa. An bae no eniwan save go aotsaet long haos blong hem ya, go-go kasem moning.

Nambas 19:18

Den man hu hemi klin long ae blong mi, hemi mas tekem brans blong hisop tri an yusim hem fo splasem go isi disfala tambu wata long haostent an olketa samting blong hem wea hemi no klin long ae blong mi bikos man hemi dae long hem. An hemi mas splasem go isi tu long eni man hu hemi nating klin bikos hemi tasim bon blong man dae, o bodi blong hem, o beregraon blong hem.

Matiu 27:34

Nao olketa givim waen long Jisas wea olketa miksim meresin insaet, bat taem Jisas hemi testem nomoa, hemi nating wande fo dringim nao.

Matiu 27:48

Semtaem, wanfala man hemi resis go, an hemi tekem kam wanfala samting wea hemi save holem wata, an hemi mekem tuwet long waen wea hemi saoa. Bihaen, hemi putum go long wanfala stik an hemi givim goap long Jisas fo dringim.

Matiu 27:50

Nao Jisas hemi singaot bikfala an hemi dae nao.

Gudnius abaotem Jisas Kraes wea Mak hemi raetem 15:36

Nao wanfala man hemi resis go fo tekem kam wanfala samting wea hemi save holem wata, an hemi mekem tuwet long waen wea hemi saoa. Bihaen, hemi putum go long longfala stik, an hemi givim goap long Jisas fo dringim an hemi sei, “!Weit! Yumi lukluk fastaem. Maet Elaeja bae hemi kam fo tekem hem aot from kros ya.”

Gudnius abaotem Jisas Kraes wea Luk hemi raetem 23:36

An olketa soldia tu olketa mekfan long Jisas, an olketa givim hem wankaen waen wea hemi saoa.