Gudnius abaotem Jisas Kraes wea Jon hemi raetem 13:34 - Pijin Bible

³⁴ Mi givim niufala lo long yufala. Yufala mas lavem yufala evriwan. Mi lavem yufala, an long sem wei ya, yufala tu mas lavem yufala evriwan.

Pijin Deuterocanon

³⁴ Mi givim niufala lo long yufala. Yufala mas lavem yufala evriwan. Mi lavem yufala, an long sem wei ya, yufala tu mas lavem yufala evriwan.

Gudnius abaotem Jisas Kraes wea Jon hemi raetem 13:34 ပူးပေါင်းရင်းမြစ်များ

Sams 119:63

Mi fren wetem olketa hu i tinghae long yu, an wetem olketa hu i falom olketa gudfala toktok blong yu.

Sams 16:3

Olketa pipol long wol wea i obeim yu nao i barava nambawan pipol. An mi laekem tumas fo stap wetem olketa.

Levitikas 19:18

An yufala mas no gohed fo heitem eni wantok o sensimbaek eni ravis wei blong hem. Bat, yufala mas barava lavem olketa wantok olsem yufala lavem yufala seleva, bikos mi nao Yawe.

Levitikas 19:34

Yufala mas tingim taem wea yufala stap long Ijip olsem strensa long dea. Dastawe, yufala mas lavem olketa deferen pipol olsem wea yufala lavem yufala seleva, an yufala mas lukaftarem olketa, olsem wea yufala lukaftarem olketa long laen blong yufala seleva, bikos mi nao Yawe, God blong yufala.

Matiu 5:44

Bat mi ya, mi talem long yufala, yufala mas lavem tu olketa enemi blong yufala, an yufala mas prea fo olketa hu i meksave long yufala.

Gudnius abaotem Jisas Kraes wea Jon hemi raetem 15:17

So hem nao lo blong mi fo yufala ya, yufala mas lavem yufala evriwan.

Gudnius abaotem Jisas Kraes wea Jon hemi raetem 17:21

Mi prea fo olketa mas kamap wan nomoa, olsem yu Dadi yu stap wetem mi an mi stap wetem yu. Olketa mas stap tugeta wetem yumitufala, mekem olketa pipol long disfala wol i save biliv wea yu nao yu sendem mi kam.

Leta wea Pol hemi raetem go long sios long Rom 12:10

Yufala mas lavem yufala evriwan gudfala, olsem brata. Yufala mas tinghae long olketa nara Kristin winim yufala seleva.

Leta wea Pol hemi raetem go long sios long Rom 13:10

Man hu hemi lavem olketa nara pipol, hemi no save duim enisamting fo spoelem olketa. Dastawe disfala wei fo lavem nara man, hemi barava wei fo falom Lo blong God.

Leta wea Pol hemi raetem go long sios long Rom 13:8

Yufala mas no kaonem enisamting long eni man. Kaon wea yufala mas garem nomoa, hemi wea yufala mas lavem yufala evriwan. Bikos eniwan hu hemi lavem olketa pipol, hemi barava falom Lo.

Galesia 5:22

Bat olketa gudfala wei blong Holi Spirit nao hemi mekem man fo lavem evriwan, an fo barava hapi, an fo garem piis, an fo stap wiling fo weit nomoa, an fo kaen long pipol, an fo somaot gudfala wei, an fo kipim promis olowe,

Galesia 5:6

Bikos taem eniwan hemi joen finis wetem Jisas Kraes, sapos man hemi kate o hemi no kate hemi samting nating nomoa ya. Bat bikfala samting nao hemi wei blong biliv wea hemi soaot long lav.

Galesia 6:10

Dastawe nao, long evri taem wea samting hemi kamap, yumi mas duim olketa gudfala samting long evri pipol. An bikfala samting nao hemi fo duim diswan long olketa pipol hu i stap insaet long famili blong God.

Galesia 6:2

Yufala mas helpem eniwan blong yufala wea trabol hemi kasem hem, mekem yufala barava falom lo blong Kraes.

Efesas 5:2

Lav nao hemi mas bikfala long laef blong yufala, olsem Kraes hemi lavem yumi an hemi bin letem hem seleva fo dae fo helpem yumi. Hemi olsem wanfala sakrifaes wea hemi smel naes tumas wea God hemi save hapi tumas long hem.

Kolosi 1:4

Bikos mifala bin herem nius finis wea yufala biliv strong long Jisas Kraes an wea yufala lavem tumas evriwan long olketa pipol blong God.

1 Tesalonaeka 3:12

An letem Masta blong yumi hemi strongim lav blong yufala fo evriwan an fo evri narafala pipol, olsem wea mifala lavem yufala tu.

2 Tesalonaeka 1:3

Olketa Kristin fren, oltaem nomoa mifala talem tengkiu long God fo yufala evriwan. An hemi gud fo mifala duim olsem, bikos oltaem nomoa biliv blong yufala hemi gohed fo grou strong moa, an lav wea yufala garem fo evriwan hemi gohed fo bikfala moa.

Hibrus 13:1

Yufala mas gohed nomoa fo lavem yufala evriwan olsem olketa brata an sista.

Jemes 2:8

Wanem yufala mas duim nao, yufala mas obeim wanem disfala nambawan lo hemi talem insaet long Buktambu, wea hemi sei, “Yu mas lavem olketa wantok blong yu long sem wei wea yu lavem yu seleva.”

1 Pita 1:22

Bikos yufala bin obeim disfala tru toktok, yufala bin mekem laef blong yufala klin from sin, an yufala save lavem olketa Kristin. An distaem, yufala mas lavem yufala evriwan long ful maen blong yufala.

2 Pita 1:7

An yufala mas kaen long olketa Kristin olsem olketa i brata blong yufala, an yufala mas lavem evriwan.

1 Jon 3:11

Toktok wea yufala bin herem kam fastaem, hemi sei yumi mas lavem yumi evriwan.

1 Jon 3:23

Lo blong hem hemi sei yumi mas biliv long San blong hem Jisas Kraes, an yumi mas lavem yumi evriwan olsem Kraes hemi talem finis.

1 Jon 4:21

Nao lo wea Kraes hemi tokstrong long yumi abaotem hemi olsem, “Eniwan hu hemi lavem God, hemi mas lavem tu evri Kristin.”

2 Jon 1:5

Gudfala woman, mi wande talem yu dat yumi mas lavem yumi evriwan. Disfala lo hemi no niufala lo wea mi raetem fo yufala. Nomoa. Stat kam bifoa, yumi save finis long diswan.