Gudnius abaotem Jisas Kraes wea Jon hemi raetem 11:16 - Pijin Bible

¹⁶ So Tomas wea olketa kolem hem Tuin tu, hemi tok olsem long olketa nara disaepol, “!Ei, yumi mas go tu wetem Masta, mekem yumi dae wetem hem!”

Pijin Deuterocanon

¹⁶ So Tomas wea olketa kolem hem Tuin tu, hemi tok olsem long olketa nara disaepol, “!Ei, yumi mas go tu wetem Masta, mekem yumi dae wetem hem!”

Gudnius abaotem Jisas Kraes wea Jon hemi raetem 11:16 ပူးပေါင်းရင်းမြစ်များ

Matiu 10:3

an Filip an Batolomiu, an Tomas an Matiu wea waka blong hem nao fo tekem taks, an Jemes san blong Alfeas, an Tadeas,

Matiu 26:35

Nao Pita hemi sei, “!Nomoa ya, nomata olketa kilim mi dae wetem yu, bae mi no save sei mi no save long yu!” An evri disaepol olketa talem semsamting tu.

Gudnius abaotem Jisas Kraes wea Mak hemi raetem 3:18

an Andru, an Filip, an Batolomiu, an Matiu, an Tomas, an Jemes san blong Alfeas, an Tadeas, an Saemon wea hemi memba long seksin wea olketa wande fo raosim gavman blong Rom,

Gudnius abaotem Jisas Kraes wea Luk hemi raetem 22:33

Bat Pita hemi sei, “Masta, mi redi nomoa fo go wetem yu long prisin, an fo dae wetem yu tu.”

Gudnius abaotem Jisas Kraes wea Luk hemi raetem 6:15

an Matiu, an Tomas, an Jemes hu hemi san blong Alfeas, an Saemon wea hemi memba long seksin wea olketa wande fo raosim gavman blong Rom,

Gudnius abaotem Jisas Kraes wea Jon hemi raetem 11:15

An from mi tingim yufala nao, mi hapi nomoa wea mi no stap wetem hem ya. Bikos diswan bae hemi mekem yufala fo biliv ya. Bat yumi mas go fo lukim hem nao.”

Gudnius abaotem Jisas Kraes wea Jon hemi raetem 11:8

Olketa disaepol olketa tok olsem long hem, “Tisa, lastaem go nomoa, olketa bikman blong olketa Jiu long ples ya, olketa trae fo sutim yu dae long ston ya. ?An long distaem yu wande fo gobaek moa long ples ya?”

Gudnius abaotem Jisas Kraes wea Jon hemi raetem 13:37

Pita hemi askem hem moa olsem, “?Masta, waswe nao mi no save falom yu distaem? !Mi redi nomoa fo dae fo helpem yu ya!”

Gudnius abaotem Jisas Kraes wea Jon hemi raetem 14:5

Nao Tomas hemi talem Jisas olsem, “Masta, mifala no save long ples wea bae yu go long hem ya. ?So hao nao bae mifala save long rod fo go kasem ples ya?”

Gudnius abaotem Jisas Kraes wea Jon hemi raetem 21:2

Saemon Pita an Tomas wea olketa save kolem hem Tuin, an Nataniel from Kena long provins long Galili, an tufala san blong Sebedi, an nara tufala disaepol moa, olketa stap tugeta nao.

Aposol 1:13

Taem olketa kasem Jerusalem, olketa go stret long disfala rum antap long wanfala haos wea olketa save hipap long hem long taem ya. An olketa ya nao olsem, Pita, an Jon, an Jemes, an Andru, an Filip, an Tomas, an Batolomiu, an Matiu, an Jemes hu hemi san blong Alfeas, an Saemon wea hemi memba long seksin wea olketa wande fo raosim olketa soldia blong Rom, an Jiudas hu hemi san blong Jemes.