Gudnius abaotem Jisas Kraes wea Jon hemi raetem 10:6 - Pijin Bible

⁶ Jisas hemi talem disfala tokpiksa long olketa, bat olketa nating save long wanem nao hemi trae fo minim long disfala toktok ya.

Pijin Deuterocanon

⁶ Jisas hemi talem disfala tokpiksa long olketa, bat olketa nating save long wanem nao hemi trae fo minim long disfala toktok ya.

Gudnius abaotem Jisas Kraes wea Jon hemi raetem 10:6 ပူးပေါင်းရင်းမြစ်များ

Sams 106:7

Bifoa, taem olketa olo blong yumi i stap long Ijip, olketa nating luksave long olketa bikfala waka blong God. Ya, plande taem olketa fogetem nomoa wei wea hemi somaot lav blong hem long olketa. An long Red Si olketa agensim God hu hemi hae tumas.

Sams 82:5

!Yufala krangge tumas! !Yufala nating save enisamting! Wei blong yufala hemi nogud tumas nao. Distaem, evrisamting wea yufala duim long wol hemi nating stret.

Provebs 28:5

Olketa man nogud i nating save jaj long stretfala wei, bat olketa hu tinghae long Yawe i savegud long hem.

Aesaea 56:11

Oltaem olketa i olsem nomoa olketa dog wea i hanggre tumas, an nomata olketa kaikai, bat olketa nating save fulap. Olketa lida ya i nating save long gudfala wei blong Yawe. Olketa evriwan i falom nomoa olketa tingting blong olketa seleva mekem olketa save kasem olketa gudfala samting.

Daniel 12:10

Bae God hemi mekem plande pipol fo kamap stret an klin long ae blong hem. Bat pipol hu i nogud, bae i no save long olketa samting ya. Bae olketa gohed nomoa fo duim olketa ravis samting. Olketa waes pipol nomoa bae i luksave long olketa samting ya.

Matiu 13:34

Evrisamting wea Jisas hemi talem long olketa pipol ya, hemi talem long tokpiksa nomoa. Hemi nating talem enisamting long olketa pipol ya wea hemi no save yusim tokpiksa long hem.

Matiu 13:51

Nao Jisas hemi askem olketa disaepol blong hem olsem, “?Waswe, yufala save long mining blong olketa toktok nao ya?” An olketa sei, “Ya, mifala save.”

Gudnius abaotem Jisas Kraes wea Mak hemi raetem 4:34

Hemi nating talem enisamting long olketa pipol ya wea hemi no save yusim tokpiksa long hem. Bat taem hemi stap seleva wetem olketa disaepol blong hem nomoa, hemi jes talemaot gud nao olketa mining blong olketa samting ya.

Gudnius abaotem Jisas Kraes wea Jon hemi raetem 16:25

Jisas hemi sei moa, “Olketa samting wea mi talem long yufala ya, mi talem long olketa tokpiksa ya. Bat bae hemi kasem taem wea bae mi no yusim olketa tokpiksa moa, bat bae mi toktok stret nomoa abaotem Dadi ya long yufala.

Gudnius abaotem Jisas Kraes wea Jon hemi raetem 16:29

Nao olketa disaepol blong hem olketa sei long hem, “!Ei, long distaem yu barava toktok klia nomoa long mifala, yu no toktok long olketa tokpiksa nao!

Gudnius abaotem Jisas Kraes wea Jon hemi raetem 6:52

Nao olketa Jiu i stat fo kros an olketa raoa tugeta long olketa seleva an olketa sei, “?Hao nao man ya hemi save givim bodi blong hem fo yumi kaikaim?”

Gudnius abaotem Jisas Kraes wea Jon hemi raetem 6:60

Plande long olketa pipol hu i falom Jisas olowe, taem olketa herem disfala tising, olketa sei nao, “Disfala tising ya hemi had tumas fo eniwan fo falom ya. Bae no eniwan i wiling fo lisin long hem ya.”

Gudnius abaotem Jisas Kraes wea Jon hemi raetem 7:36

Hemi sei bae yumi lukaotem hem bat bae yumi no save faendem hem, bikos bae yumi no save kasem ples wea bae hemi go an stap long hem. ?So wanem nao disfala man hemi minim taem hemi tok olsem?”

Gudnius abaotem Jisas Kraes wea Jon hemi raetem 8:27

Nao olketa nating minim wea Jisas hemi tokabaotem Dadi ya.

Gudnius abaotem Jisas Kraes wea Jon hemi raetem 8:43

?Waswe nao yufala nating save minim nomoa toktok blong mi? Hemi bikos yufala no laek fo herem tising blong mi ya.

1 Korin 2:14

Eniwan wea hemi no garem Holi Spirit, hemi no save tekem olketa spesol paoa wea Spirit blong God hemi givim kam. Man olsem hemi no save minim olketa samting ya, an hemi samting nating nomoa long hem. Holi Spirit ya, hem nomoa hemi save helpem yumi fo luksave long olketa spesol paoa blong hem.

2 Pita 2:22

Olketa barava duim nao olsem disfala waes toktok hemi sei, “Dog wea hemi toraot finis, hemi save gobaek an kaikaim moa toraot blong hem.” An nara toktok moa hemi sei, “Nomata yumi mekem pikpik fo klin gudfala, bae hemi gobaek an slip moa insaet long mad.”

1 Jon 5:20

An yumi save tu dat San blong God hemi bin kam long disfala wol fo givim gudfala save long yumi, mekem yumi save long tru God. An yumi stap joen wetem tru God taem yumi stap joen wetem San blong hem Jisas Kraes. God nao hemi tru an hem nao hemi givim yumi disfala tru laef wea hemi no save finis.