Jeremaea 46:23 - Pijin Bible

²³ Ya, olketa katemdaon olketa soldia ya olsem bus wea hemi barava bik tumas. Olketa ya i plande tumas winim ami blong olketa grashopa, wea no eniwan save kaontem olketa.

Pijin Deuterocanon

²³ Ya, olketa katemdaon olketa soldia ya olsem bus wea hemi barava bik tumas. Olketa ya i plande tumas winim ami blong olketa grashopa, wea no eniwan save kaontem olketa.

Jeremaea 46:23 ပူးပေါင်းရင်းမြစ်များ

Aesaea 10:18

Bae faea ya hemi barava bonem olketa gudfala tri an olketa gaden wea hemi garem plande kaikai. Faea ya bae hemi spoelem evri ples long kantri blong king, olsem sik hemi save mekem man wik go-go hemi dae.

Jeremaea 21:14

Bae mi panisim yufala from olketa ravis samting wea yufala gohed fo duim. Bae mi bonem bikfala haos blong king, wetem evrisamting wea hemi stap raonem hem.’ “Hem nao mesij blong Yawe.”

Jeremaea 46:22

Taem olketa enemi i kam redi fo faet, bae olketa blong Ijip i ranawe, an olketa kuaet nomoa olsem snek taem hemi ranawe. Olketa enemi i kam wetem aks fo katem olketa dae, olsem man wea hemi go fo katemdaon olketa tri.

Esikiel 20:46

“Man blong graon. Luk go long saot an talemaot profesi agensim olketa bus wea i stap long dea.

Joel 2:25

Mi nao mi sendem kam disfala ami long grashopa fo spoelem yufala. Bat evrisamting wea yufala lusim, wea olketa grashopa ya i spoelem, bae mi givimbaek moa long yufala.

Jajis 6:5

Olketa kam wetem olketa animol blong olketa an olketa famili blong olketa. So olketa pipol an olketa kamel blong olketa i kavaremap evri ples olsem anis wea no eniwan save kaontem nao. Evri ples wea olketa go long hem, olketa mas spoelem.

Jajis 7:12

Olketa ami wea i stap long bikfala flat ples ya nao hemi olsem, ami blong Midian wetem ami blong Amalek, an ami blong olketa long drae eria long saet long ist. Olketa ya i staka tumas olsem anis wea hemi kavaremap olketa ples. An olketa kamel blong olketa evriwan i plande tumas tu olsem sanbis long saetsi.