Jeremaea 25:26 - Pijin Bible

²⁶ an olketa king blong not, samfala wea i stap farawe, an samfala wea i stap kolsap. Olketa pipol blong evri kantri wea i stap long wol ya mas dring long disfala kap. An laswan nao fo dringim, hem nao disfala king blong Sesak.

Pijin Deuterocanon

²⁶ an olketa king blong not, samfala wea i stap farawe, an samfala wea i stap kolsap. Olketa pipol blong evri kantri wea i stap long wol ya mas dring long disfala kap. An laswan nao fo dringim, hem nao disfala king blong Sesak.

Jeremaea 25:26 ပူးပေါင်းရင်းမြစ်များ

Aesaea 51:23

Bae mi putum disfala kap long han blong olketa hu i bin barava mekem yufala safa, olsem wea olketa mekem yufala fo leidaon falom olketa rod long taon an step nomoa long yufala olsem ravis.”

Jeremaea 25:12

“Bat taem seventi yia ya hemi finis, bae mi panisim disfala king blong Babilonia wetem olketa pipol blong hem from olketa sin blong olketa. An bae mi spoelem lan blong olketa, mekem hemi kamap nogud tumas, wea hemi stap olsem an no save finis nao.

Jeremaea 25:9

bae mi mekem olketa pipol blong olketa kantri long not wetem wakaman blong mi King Nebukadnesa blong Babilonia, fo kam faet agensim disfala lan long Jiuda wetem evri pipol wea i stap long hem, an agensim tu pipol blong olketa kantri wea i stap raonem yufala. Bae mi spoelem olketa ya fogud fo evritaem olowe. An evri pipol hu i gotru long olketa lan ya bae i tokspoelem hem. Bae i seke fogud an toknogud long hem.

Jeremaea 51:41

Yawe hemi gohed fo tok olsem, “Evriwan long wol ya bin gohed fo mekhae fogud long Babilon. Bat bae olketa enemi i winim hem nogud, mekem evriwan long wol ya i seke fogud taem olketa lukim.

Jeremaea 51:51

Yawe hemi gohed fo tok olsem, “Yufala tok olsem, ‘Pipol bin toknogud long mifala, an mifala barava sem tumas, bikos olketa strensa bin go insaet long olketa barava tambu ples long Tambuhaos blong Yawe.’

Esikiel 32:30

“An evri bikman long not wetem pipol blong bikfala taon long Saedon, i godaon long ples ya. Nomata olketa bin garem bikfala paoa an mekem olketa pipol barava fraet tumas, olketa dae finis olsem wael dog an stap insaet long grev nao. Distaem olketa sem fogud, an godaon nao long grev wetem olketa hu i dae olsem wael dog long faet.

Habakuk 2:16

!Bat bae Yawe hemi fosim yufala fo dringim finis disfala ful kap waen wea hemi olsem ful paoa long kros blong hem! Bae hemi olsem wea yufala tu i kamap drang an barava filsem, bikos evriwan nomoa save lukluk long neket bodi blong yufala. Bae pipol no mekhae long yufala olsem wea yufala laekem. Bat bae olketa barava lukdaonem yufala olsem ravis wea man hemi toraotem.