Jenesis 6:12 - Pijin Bible

¹² Nao taem God hemi luk long wol ya, hemi lukim dat wol hemi kamap barava nogud tumas nao from olketa ravis wei blong olketa pipol ya.

Pijin Deuterocanon

¹² Nao taem God hemi luk long wol ya, hemi lukim dat wol hemi kamap barava nogud tumas nao from olketa ravis wei blong olketa pipol ya.

Jenesis 6:12 ပူးပေါင်းရင်းမြစ်များ

Jenesis 18:20

Nao Yawe hemi tok olsem long hem, “Mi bin herem finis wea olketa pipol long Sodom an Gomora i gohed fo mekem olketa ravis wei wea i barava nogud tumas,

Jenesis 18:21

dastawe mi mas godaon long tufala taon ya fo sekemap olketa toktok wea mi bin herem, mekem mi faendemaot wea hemi tru o nomoa.”

Jenesis 6:13

Nao God hemi tok olsem long Noa, “Bikos wol ya hemi kamap ful nao long evri ravis samting wea olketa pipol ya i mekem, bae mi barava finisim wol ya nao wetem pipol ya.

Jenesis 6:8

Bat Noa nomoa, Yawe hemi hapi long hem.

Jenesis 7:1

Nao God hemi tok olsem long Noa, “Distaem, yu wetem waef blong yu an olketa pikinini blong yutufala, yufala mas go insaet long sip ya, bikos mi lukim finis dat yu nomoa yu stret tumas winim evri narafala pipol long wol ya.

Jenesis 7:21

Evrisamting ya wea hemi garem laef wea olketa stap long graon ya wea God hemi bin mekem olketa, bat long taem ya, hemi draonem olketa evriwan i dae finis nao. Evri man, wetem evri animol, an olketa narafala samting moa wea olketa gohed fo wakabaot long graon ya, an evri bed, God hemi spoelem olketa evriwan nao. Noa nomoa, wetem olketa long famili blong hem an evrisamting wea i stap wetem hem long bikfala sip ya, olketa ya nomoa i gohed fo laef.

Jenesis 9:12

An God hemi tok olsem, “Spesol promis blong mi ya wea mi mekem wetem yufala an evrisamting wea i laef, bae hemi no save finis, an saen blong hem nao bae hemi olsem.

Stori abaotem Job 33:27

Bihaen, disfala man bae hemi save singsing olsem long olketa pipol, “Mi wanfala man fo sin, an mi no duim olketa stretfala samting, bat God hemi no panisim mi fitim sin ya.

Provebs 15:3

Yawe hemi lukim evrisamting, hemi lukluk long olketa gudfala pipol an olketa nogud pipol.

Gudnius abaotem Jisas Kraes wea Luk hemi raetem 3:6

Bikos evriwan long disfala wol bae olketa lukim dat God bae hemi kam an sevem olketa pipol.’”

2 Pita 2:5

Long bifoa tu, Noa hemi tokabaotem stretfala wei long olketa pipol. An taem olketa pipol no obeim God, God hemi panisim olketa. Hemi sendem bikfala flad fo kilim olketa dae. Bat Noa wetem sevenfala pipol nomoa, God hemi sevem olketa.