Jenesis 49:28 - Pijin Bible

²⁸ Olketa ya nao tuelfala brata ya wea olketa grandadi blong olketa tuelfala traeb blong Israel ya, wea fastaem, nem blong hem Jekob. An hem nao evri toktok wea olo ya hemi givim long olketa pikinini blong hem ya wea i talemaot las toktok blong hem, an hemi givim blesing blong hem long olketa evriwan wea i fitim olketa evriwan nao.

Pijin Deuterocanon

²⁸ Olketa ya nao tuelfala brata ya wea olketa grandadi blong olketa tuelfala traeb blong Israel ya, wea fastaem, nem blong hem Jekob. An hem nao evri toktok wea olo ya hemi givim long olketa pikinini blong hem ya wea i talemaot las toktok blong hem, an hemi givim blesing blong hem long olketa evriwan wea i fitim olketa evriwan nao.

Jenesis 49:28 ပူးပေါင်းရင်းမြစ်များ

Jenesis 35:22

Taem olketa stap long ples ya, Ruben hemi go slip wetem slev woman ya olketa kolem Bilha, wea hemi narafala woman blong dadi blong hem Israel. An taem dadi blong hem hemi herem nius ya hemi barava kros fogud. Nao Jekob ya hemi garem tuelfala pikinini boe.

Jenesis 49:27

Benjamin, yu olsem wanfala wael dog wea i barava wael fogud, wea long moning an long naet, hemi gohed fo kilim dae olketa samting, an hemi gohed fo kaikaim olketa.”

Jenesis 49:29

Nao Jekob hemi tokstrong long olketa olsem, “Mi kolsap dae nao. Bat yufala mas berem mi long kev ya wea olketa bin berem olketa olo blong mi bifoa ya. Bae yufala mas karim bodi blong mi gobaek long Kenan, long ples ya wea olketa kolem Makpela, long saet long Mamre long ist. Graon ya fastaem hemi blong wanfala man wea i laen blong Het, wea nem blong hem nao Efron, an hemi garem wanfala kev insaet long ston. Pis graon ya, grani blong mi hemi peimaot, fo hemi kamap beregraon.

1 Kings 18:31

Hemi tekem tuelfala ston fo makem olketa tuelfala traeb wea i bon kam bihaen long olketa tuelfala san blong Jekob, man wea Yawe hemi kolem hem Israel.

Esta 8:11

Toktok ya hemi talem dat olketa Jiu hu i stap long evri taon olsem, bae olketa evriwan mas kam tugeta long de ya wea Haman hemi putum fo olketa man fo kam an kilim dae olketa Jiu. So, olketa mas redim olketa seleva long datfala de fo faet fo sevem laef blong olketa. Leta ya hemi tok olsem, “Long mektetin de blong mektuel mans ya long datfala yia, bae yufala mas redi fo faet. Nomata yufala stap long olketa provins insaet long kingdom blong mi, sapos eniwan hemi tekem kam olketa samting fo faet, an kam fo kilim yufala dae wetem olketa pikinini an olketa waef blong yufala, bae yufala mas faetem olketa. Long datfala de, bae yufala garem raet fo kilim dae olketa pipol hu i kam fo faetem yufala, an bae yufala save tekem evrisamting wea olketa bin onam. Hem nao toktok blong mi fo yufala evriwan, long olketa provins insaet long kingdom blong mi.”

Esta 8:7

Long datfala taem, Modekae blong Jiu hemi stap tu, an king hemi tok olsem long tufala, “Yutufala save. Mi bin letem fo olketa hangem Haman from plan wea hemi mekem agensim olketa pipol blong yutufala, an mi givim finis evrisamting blong hem long yu Esta.

Esta 8:9

Long mektuenti-tri de blong mektri mans ya, wea nem blong hem nao Sivan, Modekae hemi kolem kam olketa sekretri blong king, an olketa raetemdaon wanfala toktok long nem blong king. Toktok ya hemi go fo olketa Jiu, wetem olketa minista blong king, an olketa gavna an olketa bikman blong 127 provins insaet long kingdom ya, stat long kantri blong India long ist, go kasem kantri blong Kus long west. Hemi gohed fo toktok, an olketa gohed fo raetemdaon olketa toktok blong hem. An olketa tanem toktok ya go long olketa langguis blong evri provins, an olketa tanem go tu long Hibru langguis wea hemi langguis blong olketa Jiu.

Eksodas 28:21

Long wei ya nao, yu mas fasenem tuelfala ston wea hemi fitim namba long olketa san blong Jekob, wea i olsem tuelfala traeb blong Israel. An antap long olketa tuelfala ston ya, yu mas katem nem blong olketa tuelfala san blong Jekob, mekem evri ston hemi garem wanfala nem long hem.

Nambas 23:24

Yu save, pipol ya i strong tumas, olsem bikfala laeon. Ya, olketa i olsem laeon wea hemi kilim dae animol fo kaikaim, an hemi nating save res go-go hemi kaikaim finis.”

Aposol 26:7

An olketa tuelfala laen blong mifala, olketa gohed fo wosipim God olowe nomoa, nomata naet, bikos olketa weit fo lukim disfala promis hemi kamtru. King Agripa, mi barava biliv long disfala promis ya nao, an dastawe olketa bikman blong Jiu olketa toktok agensim mi.

Diutronomi 33:1

Mosis, hemi man blong God, an kolsap long taem wea hemi dae, hemi talemaot wanfala blesing long pipol blong Israel. Toktok wea hemi talemaot hemi olsem,

Jemes 1:1

Mi Jemes, wakaman blong God an blong Jisas Kraes Masta blong yumi. Mi sei halo long olketa pipol blong God wea yufala stap long evri ples long wol.

Revelesin 7:4

Nao olketa talem mi dat namba blong olketa pipol wea mak blong God hemi stap long olketa, hemi kasem 144,000. An olketa ya, kamaot long evri traeb blong pipol blong Israel.