Jenesis 49:14 - Pijin Bible

¹⁴ Isaka, yu olsem wanfala dongki fo waka, wea hemi hapi nomoa fo hemi stretem lek blong hem, an hemi slip long midol long tufala basket wea hemi karim.

Pijin Deuterocanon

¹⁴ Isaka, yu olsem wanfala dongki fo waka, wea hemi hapi nomoa fo hemi stretem lek blong hem, an hemi slip long midol long tufala basket wea hemi karim.

Jenesis 49:14 ပူးပေါင်းရင်းမြစ်များ

Jenesis 30:18

Nao hemi tok olsem, “God hemi givim nambawan presen long mi olsem pei blong mi bikos mi bin givim slev gele blong mi fo hemi go stap wetem hasban blong mi,” an hemi kolem pikinini ya, Isaka.

Jenesis 49:15

Taem hemi lukim ples wea hemi stap long hem hemi gudfala, an graon wea hemi stap long hem hemi nambawan, nao hemi jes hapi moa fo karim olketa hevi samting ya, an fo kamap wanfala slev.

1 Kronikols 12:32

Long traeb blong Isaka, hemi garem 200 sif wetem olketa wantok wea olketa lidim. Olketa sif ya i savegud long evrisamting wea pipol blong Israel mas duim, an olketa savegud tu long barava taem fo duim olketa samting ya.

Sams 68:13

Nomata olketa wea i stap long hom, olketa ya tu i tekem samfala samting long olketa gudfala samting wea olketa man i winim kam long faet.

Sams 78:70

Deved hemi man fo lukaftarem olketa sipsip, bat God hemi siusim hem fo kamap wakaman blong hem. So hemi tekem hem aot from waka ya, an hemi mekem hem fo kamap king blong olketa laen long Israel. Nao hemi kamap man fo lukaftarem olketa pipol blong hem.

Nambas 32:16

Den olketa kam tok olsem long Mosis, “Fastaem plis yu letem mifala wakem olketa fens fo satem olketa animol blong mifala, an wakem olketa bikfala wolston raonem olketa taon tu mekem olketa woman an olketa pikinini blong mifala i stap sef. An bihaen, bae mifala holem olketa samting fo faet an kam wetem yufala, an go fastaem long yufala long faet. Bae mifala save go wetem yufala go kasem taem wea mifala mekem yufala evriwan stap gud long lan ya.

Diutronomi 33:18

Traeb blong Sebulun, yufala save hapi long gogo long olketa sip blong yufala. Traeb blong Isaka, yufala save hapi long olketa haostent wea yufala mekem hom blong yufala long olketa.

Jajis 10:1

Bihaen Sif Abimelek hemi dae, Tola, san blong Pua hu hemi san blong Dodo, hemi kamap sif long pipol blong Israel. Hemi wanfala man long traeb blong Isaka, an ples blong hem nao Samia wea hemi stap long olketa maonten long lan blong Efrem.