Jenesis 47:22 - Pijin Bible

²² Hemi peimaot finis evri graon blong olketa pipol fo king, bat olketa graon blong olketa prist nomoa, hemi no baem, bikos oltaem, king hemi gohed fo givim lelebet seleni long olketa prist mekem olketa save baem kaikai blong olketa long hem. So hadtaem ya hemi no mekem wea olketa mas salemaot olketa graon blong olketa.

Pijin Deuterocanon

²² Hemi peimaot finis evri graon blong olketa pipol fo king, bat olketa graon blong olketa prist nomoa, hemi no baem, bikos oltaem, king hemi gohed fo givim lelebet seleni long olketa prist mekem olketa save baem kaikai blong olketa long hem. So hadtaem ya hemi no mekem wea olketa mas salemaot olketa graon blong olketa.

Jenesis 47:22 ပူးပေါင်းရင်းမြစ်များ

Jenesis 14:18

Nao King Melkisedek, hu hemi king blong taon ya olketa kolem Salem an hemi prist blong God ya hu hemi Antap Tumas, hemi kam long ples ya, an hemi givim bred an waen long Ebram.

Jenesis 41:45

Nao king hemi givim narafala nem long Josef. An nem ya nao Safenat Panea, wea hemi niu nem blong hem, an hemi tekem wanfala gele blong ples ya, an hemi givim long hem fo hemi maritim. Gele ya, nem blong hem nao Asenat. Hemi blong Heliopolis taon, an dadi blong hem Potifera hu hemi wanfala kastom prist long wanfala tambuples olketa kolem On. Nao long taem ya wea Josef hemi stat waka fo king blong Ijip, hemi kasem teti yia blong hem. Hemi goaot long ples ya wea king hemi stap long hem, an oltaem nomoa long seven yia ya, hemi gohed fo go olobaot long evri ples long kantri ya. An long olketa sevenfala yia ya, hemi garem nambawan taem fo olketa gaden wit i gohed fo garem staka kaikai.

Jenesis 41:50

Nao long taem wea disfala hanggre ya i no kamap yet, Josef wetem waef blong hem i garem finis tufala pikinini boe.

Jenesis 47:21

An hemi mekem olketa evriwan long Ijip fo kamap slev blong king.

Jenesis 47:23

Nao hemi tok olsem long olketa pipol, “Yufala mas save dat mi bin peimaot yufala finis ya, an olketa graon blong yufala tu. Distaem, evri graon ya hemi blong king nao, an yufala ya i slev blong hem tu. Bat yufala save wakem gaden long olketa graon ya, an sid blong wit hemi stap nomoa, wea yufala save go plantem.

Jenesis 47:26

So hemi putum wanfala lo long Ijip, wea hemi sei, long evri yia, evriwan mas divaedem go olketa kaikai wea olketa tekemaot long gaden long faefala hip, an olketa mas givim go wanfala hip long king. An lo ya hemi stap yet, ka-kam kasem tude. Olketa graon blong olketa prist nomoa i no kamap graon blong king long taem ya.

2 Samuel 8:18

Benaea, san blong Jehoeada, hemi komanda long olketa sekiuriti hu i olketa man blong Keret an Pelet. An olketa san blong Deved i olketa prist.

Esra 7:24

Yufala mas save tu wea mi no givim paoa long yufala fo tekem enikaen taks long olketa hu i waka long disfala Tambuhaos blong God, nomata olketa prist, o olketa Livaet, o olketa long kuaea, o olketa sekiuriti long olketa geit, o olketa wakaman.

Nehemaea 13:10

Mi faendemaot tu wea olketa Livaet no garem olketa spesol samting wea i blong olketa, mekem olketa an olketa blong kuaea, olketa gobaek long hom fo wakem gaden blong olketa.

Matiu 10:10

an yufala mas no tekem eni basket o sandol o wokingstik wetem yufala long rod. An yufala tekem nomoa wanfala kaleko. Bikos man hu hemi waka, hemi fitim fo olketa lukaotem hem ya.

1 Korin 9:13

Yufala save finis wea olketa pipol hu i waka insaet long Tambuhaos, olketa save tekem kaikai long Tambuhaos nomoa. An olketa hu i bonem olketa sakrifaes long olta ya, olketa save tekem haf long olketa sakrifaes nomoa.

Galesia 6:6

Eniwan hu hemi lane abaotem toktok blong God, hemi mas searem olketa gud samting hemi garem wetem tisa blong hem.

Diutronomi 12:19

An taem yufala stap long lan ya, bae yufala mas barava lukaftarem olketa long traeb blong Livae.

2 Tesalonaeka 3:10

Taem mifala stap tugeta wetem yufala yet, mifala talem finis long yufala olsem, “Sapos eni man hemi les fo duim waka, yufala mas no givim eni kaikai long hem.”

1 Timoti 5:17

Hemi fitim fo yufala mekhae long olketa lida hu i lukaftarem sios gudfala an givim gudfala wejis long olketa tu, olsem olketa hu i save gohed fo wakahad fo talemaot Gudnius an tisim olketa toktok blong God.