Jenesis 44:27 - Pijin Bible

²⁷ Nao dadi blong mifala hemi tok olsem, ‘Yufala save dat mami blong hem hemi bonem tufala pikinini boe nomoa ya.

Pijin Deuterocanon

²⁷ Nao dadi blong mifala hemi tok olsem, ‘Yufala save dat mami blong hem hemi bonem tufala pikinini boe nomoa ya.

Jenesis 44:27 ပူးပေါင်းရင်းမြစ်များ

Jenesis 29:28

Nao Jekob hemi agri fo duim olsem, an taem olketa sevenfala de blong fist ya hemi finis, inlo blong hem hemi givim go Resel long hem.

Jenesis 42:38

Bat dadi blong olketa hemi tok olsem, “!Nomoa! Mi no save letem pikinini blong mi ya fo go wetem yufala. Barava brata blong hem hemi dae finis nao, an hem seleva nomoa wanfala wea hemi stap hu hemi bon long waef blong mi Resel. Maet wanfala nogud samting bae hemi kasem hem moa long rod. Mi olfala tumas nao, an sapos yu mekem eni nogud samting fo kasem hem, bae mi dae nomoa long sore ya.”

Jenesis 44:26

bat mifala tok olsem, ‘Mifala no save go. Man ya longwe hemi talem finis long mifala olsem, “Sapos lasbon brata blong yufala ya hemi no kam wetem yufala, mi nating wande fo lukim fes blong yufala moa.” So hemi mas go wetem mifala nao ya. Hem nomoa wanfala wei fo mifala ya. Sapos nomoa, bae mifala no go nao.’

Jenesis 46:19

Nao Jekob wetem woman blong hem Resel, tufala bonem tufala pikinini boe, wea nem blong tufala nao, Josef an Benjamin.

Jenesis 46:22

Hem nao olketa pikinini wea i bon long Jekob an Resel, wetem olketa smolfala grani blong tufala. Olketa ya, namba blong olketa hemi kasem fotin.