Jenesis 43:15 - Pijin Bible

¹⁵ So olketa brata ya i tekem olketa samting ya, wetem seleni blong las gogo, an narafala seleni moa, an olketa tekem lasbon ya Benjamin wetem olketa an go nao. Taem olketa kasem Ijip, olketa go stanap moa long frant blong Josef.

Pijin Deuterocanon

¹⁵ So olketa brata ya i tekem olketa samting ya, wetem seleni blong las gogo, an narafala seleni moa, an olketa tekem lasbon ya Benjamin wetem olketa an go nao. Taem olketa kasem Ijip, olketa go stanap moa long frant blong Josef.

Jenesis 43:15 ပူးပေါင်းရင်းမြစ်များ

Jenesis 42:35

Nao taem olketa kapsaetem olketa kaikai blong olketa, olketa evriwan i lukim dat olketa baeg seleni blong olketa, i stap nomoa wetem olketa kaikai. An taem olketa lukim olketa seleni ya, olketa fraet fogud, an dadi blong olketa tu hemi fraet fogud.

Jenesis 43:11

Nao dadi blong olketa hemi tok olsem, “Oraet. Sapos hemi mas olsem, yufala mas fulumap olketa nambawan samting blong hia insaet long olketa baeg blong yufala, mekem yufala givim go olsem presen long bikman ya. Yufala tekem lelebet insens, wetem lelebet hani an olketa lif ya fo putum long kaikai wea i garem gudfala test, an olketa frut blong pistasio an olketa frut blong amon.

Jenesis 43:21

An taem mifala gobaek, mifala stop long rod fo slip long naet, nao mifala openem olketa baeg blong mifala, an mifala evriwan i lukim dat olketa seleni blong mifala i stap wetem kaikai, insaet long olketa baeg blong mifala ya. Mifala no save olsem hu nao hemi putum olketa seleni ya gobaek long olketa baeg blong mifala. Evri seleni ya hemi stap nomoa, hem nao mifala tekem kambaek fo givim gobaek long yu. An mifala tekem kam narafala seleni moa fo peim kaikai long disfala ka-kam blong mifala ya.”

Jenesis 43:25

Olketa bin herem finis dat bae olketa kaikai wetem Josef long midol long de, so olketa go nao an tekemaot olketa presen ya wea olketa tekem kam, an mekredi long hem fo givim go long hem taem hemi kasem haos.

2 Kronikols 28:7

Long datfala taem, Sikri hu hemi nambawan soldia blong Efrem, hemi kilim dae trifala bikman blong Jiuda olsem: Maasea, san blong King Ehas, an Asrikam wea hemi bikman long haos blong king, an Elkana wea hemi nambawan bikman blong king.

Provebs 19:6

Plande man os-os long bikman, evriwan laek fo fren long man hu hemi givim presen.