Jenesis 42:38 - Pijin Bible

³⁸ Bat dadi blong olketa hemi tok olsem, “!Nomoa! Mi no save letem pikinini blong mi ya fo go wetem yufala. Barava brata blong hem hemi dae finis nao, an hem seleva nomoa wanfala wea hemi stap hu hemi bon long waef blong mi Resel. Maet wanfala nogud samting bae hemi kasem hem moa long rod. Mi olfala tumas nao, an sapos yu mekem eni nogud samting fo kasem hem, bae mi dae nomoa long sore ya.”

Pijin Deuterocanon

³⁸ Bat dadi blong olketa hemi tok olsem, “!Nomoa! Mi no save letem pikinini blong mi ya fo go wetem yufala. Barava brata blong hem hemi dae finis nao, an hem seleva nomoa wanfala wea hemi stap hu hemi bon long waef blong mi Resel. Maet wanfala nogud samting bae hemi kasem hem moa long rod. Mi olfala tumas nao, an sapos yu mekem eni nogud samting fo kasem hem, bae mi dae nomoa long sore ya.”

Jenesis 42:38 ပူးပေါင်းရင်းမြစ်များ

Jenesis 37:33

Jekob hemi luksave long kaleko ya, an hemi tok olsem, “!Ya, hemi blong hem nao ya! !Pikinini blong mi ya, wanfala animol mas kilim hem dae nao ya! !Wanfala samting mas kaikaim hem finis!”

Jenesis 37:34

Jekob hemi brekem olketa kaleko blong hem bikos hemi barava sore fogud. So hemi werem olketa ravis kaleko nomoa, an hemi gohed krae longtaem fo pikinini blong hem ya.

Jenesis 37:35

Olketa narafala pikinini boe blong hem, wetem olketa dota blong hem olketa kam an trae fo mekem hem filgud moa, bat hemi no save filgud moa nao, hemi gohed fo tok olsem, “Bae mi gohed fo sore long pikinini blong mi go-go kasem taem wea mi dae.” So hemi gohed fo krae fo pikinini blong hem ya.

Jenesis 42:13

Nao olketa tok olsem, “Masta, mifala ya olketa pikinini blong wanfala man nomoa wea mifala stap long Kenan. Fastaem mifala tuelfala ya, bat wanfala brata blong mifala hemi lus, an lasbon blong mifala hemi stap kam wetem dadi blong mifala long hom.”

Jenesis 42:37

Nao Ruben hemi tok olsem long dadi blong hem, “Dadi, samting gud nomoa yu putum Benjamin long han blong mi, an bae mi tekem hem kambaek long yu moa. Sapos mi no tekem hem kambaek, bae yu save kilim dae tufala pikinini boe blong mi ya.”

Jenesis 42:4

Bat Jekob hemi no save letem Benjamin hu hemi barava brata blong Josef fo go wetem olketa, bikos hemi fraet nogud samfala trabol maet kasem hem long rod.

Jenesis 43:13

Yufala tekem brata blong yufala ya, an go distaem long man ya longwe.

Jenesis 44:20

An mifala tok olsem, ‘Ya, dadi blong mifala hemi stap nomoa, bat hemi olo finis nao. An lasbon brata blong mifala hemi stap nomoa, wea hemi bon taem dadi blong mifala hemi olo finis nao. Mami blong lasbon ya hemi bonem tufala pikinini boe nomoa, bat fasbon hemi lus finis, an lasbon ya nomoa hemi stap. An dadi blong mifala hemi lavem hem tumas.’

Jenesis 44:22

Bat mifala tok olsem, ‘Masta, boe ya hemi no save lusim dadi blong mifala ya. Sapos hemi lusim dadi blong mifala, bae dadi ya hemi dae nao.’

1 Kings 2:6

So yu mas panisim hem falom save blong yu. An yu mas no letem hemi dae long piis nomoa.

Stori abaotem Job 41:32

An taem hemi muv go long solwata, plande wev nao i kamaot bihaen long hem, olsem wanfala sip wea hemi go kuiktaem long si.

Sams 71:18

Distaem mi olo finis, an hea blong mi hemi waet nao, plis God, yu no lusim mi. Plis yu stap wetem mi, taem mi talemaot paoa blong yu long evri pipol wea bae i bon kam bihaen long mi.

Sams 90:10

Laef blong mifala save kasem seventi yia nomoa, o sapos bodi blong mifala hemi strong bae mifala save kasem eiti yia. Nomata olsem, plande trabol an sore nomoa save kasem mifala. Ya, no long taem nomoa mifala dae nao.

Eklesiastes 1:14

Mi lukim finis evrisamting wea hemi gohed long disfala wol, bat mi save talem nomoa dat evrisamting ya hemi no fitim tingting blong yumi. Hemi olsem yumi gohed fo aftarem win nomoa.

Eklesiastes 2:26

Oltaem God hemi givim waes an save long olketa hu i obeim hem, an hemi mekem olketa i hapi tu. Bat God hemi mekem olketa nogud pipol wakahad tumas fo kasem olketa gudfala samting, an hipimap fo givim go long olketa ya hu i mekem God hapi. Hem tu hemi no fitim tingting blong yumi. Hemi olsem wea olketa aftarem nomoa win.

Aesaea 38:10

Mi tingse wea long midol long laef blong mi, bae mi mas gotru olketa geit blong Grev. An olketa narafala yia long laef blong mi sud sot nomoa.

Aesaea 46:4

Ya, bae mi nao mi gohed fo lukaftarem yufala, go-go hea blong yufala hemi kamap waet. Mi nao mi mekem yufala, an bae mi lukaftarem yufala. Bae mi helpem yufala an sevem yufala tu.