Jenesis 41:57 - Pijin Bible

⁵⁷ Olketa pipol blong evri narafala kantri tu i kam long Ijip fo baem wit, bikos hadtaem long hanggre ya hemi kasem evri ples long wol nao.

Pijin Deuterocanon

⁵⁷ Olketa pipol blong evri narafala kantri tu i kam long Ijip fo baem wit, bikos hadtaem long hanggre ya hemi kasem evri ples long wol nao.

Jenesis 41:57 ပူးပေါင်းရင်းမြစ်များ

Jenesis 12:10

Nao long taem Ebram hemi stap long saot ya, evriples long Kenan, olketa no garem naf kaikai, so Ebram hemi gohed fo go moa long saot, go-go hemi kasem disfala kantri ya wea olketa kolem Ijip, nao olketa stap lelebet long ples ya.

Jenesis 41:54

Sevenfala yia ya long hanggre an hadtaem fo garem kaikai hemi kamap nao, an hemi barava olsem wea Josef hemi bin talem bifoa. An long olketa narafala kantri, olketa pipol i no garem kaikai nao, bat long Ijip staka kaikai hemi stap.

Jenesis 41:56

Nao taem hadtaem long hanggre ya hemi kamap nogud tumas, Josef hemi openem olketa stoa haos ya an hemi letem olketa pipol fo kam an baem wit long olketa ples ya.

Jenesis 42:1

Long taem ya, Jekob an olketa wetem hem i stap kam longwe long Kenan, an taem hemi herem dat olketa salem wit long Ijip, hemi tok olsem long olketa pikinini blong hem, “?Waswe nao yufala no duim enisamting?

Jenesis 42:5

Olketa pikinini blong Jekob i wakabaot go wetem olketa narafala pipol long Kenan, wea olketa go long Ijip fo baem kaikai, bikos hadtaem an hanggre hemi kasem ples blong olketa nao.

Jenesis 42:6

Long taem ya, Josef nao hemi gohed fo lukaftarem kantri ya, an hemi gohed fo salem kaikai long olketa pipol blong olketa narafala kantri long wol. Nao olketa brata blong hem olketa kam an baodaon long frant blong hem, go-go fes blong olketa hemi godaon kasem graon.

Jenesis 43:1

Nao hadtaem ya fo garem kaikai hemi kamap strong moa long Kenan,

Jenesis 47:14

An oltaem, taem olketa pipol i baem kaikai long Josef, hemi gohed fo holem olketa seleni ya, an kipim insaet long haos blong king.

Jenesis 50:20

Yufala nao mekem plan fo duim samting nogud long mi, bat God hemi tanem plan blong yufala ya, an hemi mekem fo hemi gudfala. Hemi yusim plan blong yufala ya fo mekem plande pipol fo laef. Olketa ya gohed fo laef tude, bikos from olketa nogud samting ya nomoa wea yufala bin duim ya.

Diutronomi 9:28

Sapos yu spoelem olketa ya, bae pipol blong Ijip i save talem dat yu no fitim fo tekem olketa go long lan wea yu promis finis fo givim long olketa. An bae olketa save talem dat yu jes tekem kam olketa long drae eria fo kilim olketa nomoa, bikos yu les long olketa.