Jenesis 4:22 - Pijin Bible

²² An Jila hemi bonem wanfala pikinini boe wea hemi kolem Tubalkein, an olketa wea i bon kam long laen blong Tubalkein ya olketa savegud fo wakem olketa tul long aean an bras. Sista blong Tubalkein ya, nem blong hem Naama.

Pijin Deuterocanon

²² An Jila hemi bonem wanfala pikinini boe wea hemi kolem Tubalkein, an olketa wea i bon kam long laen blong Tubalkein ya olketa savegud fo wakem olketa tul long aean an bras. Sista blong Tubalkein ya, nem blong hem Naama.

Jenesis 4:22 ပူးပေါင်းရင်းမြစ်များ

Jenesis 4:21

Brata blong Jabal ya, nem blong hem nao Jubal, an olketa wea i bon kam long laen blong Jubal ya olketa savegud fo ringim gita an fo bloum bambu.

Jenesis 4:23

Lamek ya, hemi sing long tufala waef blong hem ya olsem, “Ada an Jila, tufala waef blong mi, yutufala lisin kam gudfala long mi. Mi kilim dae wanfala man, bikos hemi kilim mi. Mi kilim dae wanfala yang boe bikos hemi faetem mi.

2 Kronikols 2:7

“Mi laekem fo yu sendem kam wanfala man wea hemi save tumas hao fo wakem enikaen samting. Mi laekem man ya fo save waka long gol, an silva, an bras, an aean, an fo hemi save somapem olketa piksa long kaleko wea hemi blu, o red, o papol. An mi laekem man ya fo save wakem olketa kaving an piksa long gol, an bras, an ston. Bae hemi save waka wetem olketa wakaman blong mi long distrik long Jiuda an long Jerusalem. Olketa wakaman ya i waes fogud long hao fo wakem enikaen samting, an dadi blong mi hemi bin siusim olketa finis.

Eksodas 25:3

Bae olketa mas ofarem nomoa olketa samting olsem: gol, silva, an bras,

Nambas 31:22

Evrisamting wea faea hemi no save spoelem, olsem gol, an silva, an bras, an enikaen aean, yufala mas bonem olketa fastaem long faea an bihaen, yufala mas wasim olketa long disfala spesol wata fo mekem olketa fo kamap klin long ae blong Yawe. Bat olketa narafala samting wea hemi no save go long faea, yufala mas wasim nomoa long spesol wata ya.

Diutronomi 33:25

Yufala save stap sef olowe bikos yufala save yusim aean an bras fo mekem olketa geit blong wolston blong olketa taon blong yufala i strong fogud. An bae yufala save strong olowe long laef blong yufala.”

Diutronomi 8:9

An taem yufala stap long lan ya, bae yufala no save sot long kaikai, an bae yufala no save trabol long eni narafala samting tu. Hemi garem olketa ston fo wakem aean long hem, an bae yufala save mekem maen long olketa hil fo digim bras long hem.