Jenesis 37:20 - Pijin Bible

²⁰ Yumi kilim hem dae an torowe bodi blong hem insaet long wanfala long olketa wel ya. Bae yumi go talem dadi blong yumi sei wanfala wael animol hemi kilim hem dae, an hemi kaikaim hem nao. !Diswan ya nao bae hemi stopem olketa drim blong hem ya!”

Pijin Deuterocanon

²⁰ Yumi kilim hem dae an torowe bodi blong hem insaet long wanfala long olketa wel ya. Bae yumi go talem dadi blong yumi sei wanfala wael animol hemi kilim hem dae, an hemi kaikaim hem nao. !Diswan ya nao bae hemi stopem olketa drim blong hem ya!”

Jenesis 37:20 ပူးပေါင်းရင်းမြစ်များ

Jenesis 37:19

Olketa gohed fo tok olsem long olketa seleva, “!Yufala lukim! Man fo drim ya hemi ka-kam nao.

Jenesis 37:26

Nao Jiuda hemi tok olsem long olketa brata blong hem, “Sapos yumi kilim dae brata blong yumi ya, an yumi gohed fo haedem nomoa samting ya, bae yumi no save winim enisamting.

Jenesis 37:32

Bihaen, taem olketa tekem kaleko ya an gobaek long dadi blong olketa, olketa tok olsem long hem, “Dadi, mifala faendem kaleko ya. Yu lukgud long hem. ?Ating hemi kaleko blong Josef ya?”

Jenesis 37:33

Jekob hemi luksave long kaleko ya, an hemi tok olsem, “!Ya, hemi blong hem nao ya! !Pikinini blong mi ya, wanfala animol mas kilim hem dae nao ya! !Wanfala samting mas kaikaim hem finis!”

Jenesis 45:3

Nao Josef hemi tok olsem long olketa brata blong hem, “!Mi Josef nomoa ya! ?Waswe, hemi tru wea dadi blong mi hemi laef yet?” Bat taem olketa herem toktok ya, olketa fraet fogud an olketa no save talem enisamting nao.

1 Kings 13:24

Nao taem hemi wakabaot go, wanfala laeon hemi lukim hem, an hemi kilim hem dae. So hemi foldaon long rod, an laeon wetem dongki ya, tufala gohed fo stanap long saet long hem.

2 Kings 2:24

Bat hemi taneraon, an lukluk strong long olketa, an hemi singaot long nem blong Yawe fo mekem trabol kasem olketa. Semtaem nomoa, tufala mere bea i kamaot from bus, an kilim dae foti-tu long olketa boe ya.

Sams 64:5

Olketa ya i strongim tingting blong olketa seleva long olketa ravis plan blong olketa. Olketa planem olketa ples wea bae olketa mekem olketa trap blong olketa ya, an olketa tingse no eniwan hemi luksave long olketa, taem olketa mekem olketa trap ya.

Provebs 1:10

San blong mi, yu no falom suit toktok blong nogud pipol.

Provebs 1:16

Olketa redi nomoa fo duim eni ravis samting. Olketa redi nomoa fo kilim eniwan dae.

Provebs 10:18

Man heitem haed nara man, hemi mas laea, krangge man, tokspoelem nara man.

Provebs 27:4

Man hemi kros, save spoelem samting, bat man hemi joles, hemi barava spoelem evrisamting.

Provebs 28:13

Yu haedem sin blong yu, laef blong yu bae nogud. Bat yu talemaot sin blong yu an lusim hem, God bae kaen long yu.

Aesaea 28:15

Oltaem nomoa yufala talem dat yufala bin mekem agrimen wetem Dae, an yufala mekem tu promis long Grev. Hem nao yufala tingse wea yufala no save dae sapos bikfala trabol hemi kasem yufala, bikos yufala trastem olketa laea toktok an tingse olketa trik blong yufala nao fo kipim yufala sef.

Gudnius abaotem Jisas Kraes wea Jon hemi raetem 3:12

Yufala no save bilivim mi taem mi toktok abaotem wanem hemi hapen long disfala wol, so bae hemi had fo yufala bilivim mi nao taem mi toktok abaotem wanem hemi hapen long heven.

Taetas 3:3

Long bifoa, Seitan hemi laea long yumi tu, an yumi nating tingting stret an no wiling fo obeim eniwan. Long taem ya, enikaen samting wea yumi seleva laekem tumas nomoa, hemi bosim yumi. An enikaen samting wea yumi filgud tumas long hem, hemi bosim yumi tu. An laef blong yumi hemi somaot enikaen joles an ravis wei long nara pipol. Olketa save heitem yumi, an yumi tu bin heitem olketa.

1 Samuel 24:20

Distaem mi save nao olsem bae yu kamap king, an bae yu mekem kingdom blong Israel fo kamap strong.

1 Samuel 26:2

So Sol hemi tekem 3,000 nambawan soldia blong Israel an go long drae eria long Jif fo lukaotem Deved.