Jenesis 37:15 - Pijin Bible

¹⁵ hemi gohed fo wakabaot go long open ples aotsaet long taon, nao wanfala man hemi mitim hem, an hemi askem hem olsem, “?Hu nao yu lukaotem?”

Pijin Deuterocanon

¹⁵ hemi gohed fo wakabaot go long open ples aotsaet long taon, nao wanfala man hemi mitim hem, an hemi askem hem olsem, “?Hu nao yu lukaotem?”

Jenesis 37:15 ပူးပေါင်းရင်းမြစ်များ

Jenesis 21:14

Long eli moning yet, long neks de, Ebraham hemi tekem samfala kaikai an bikfala botol long wata, an givim go long slev woman ya, an hemi letem boe ya fo go long hem, nao hemi sendem tufala fo goaot from ples ya. Nao tufala goaot, an wakabaot olobaot nomoa long drae eria ya olketa kolem long Beereseba.

Jenesis 37:14

Nao dadi blong olketa hemi tok olsem long hem, “Mi laekem yu fo go an tekem kam samfala nius long olketa brata blong yu mekem mi save dat olketa stap gud nomoa an olketa animol ya i stap gud nomoa, o waswe. Bihaen yu kambaek, an talem long mi.” So dadi blong hem hemi sendem hem go nao. Long taem ya, Jekob an olketa wetem hem i stap nomoa long vali long Hebron, so Josef hemi lusim ples ya, an hemi wakabaot go nao. An taem hemi kasem Sekem,

Jenesis 37:16

An hemi tok olsem, “Mi gohed fo lukaotem olketa brata blong mi ya. Olketa gohed fo lukaftarem olketa sipsip an olketa nanigot blong dadi blong mifala. ?Yu no lukim olketa long eniples?”

2 Kings 6:19

Den Elaesa hemi go tok olsem, “Yufala stap long rong rod ya. An disfala taon i no taon wea yufala lukaotem. Yufala falom mi. Bae mi lidim yufala go long man wea yufala lukaotem.” Nao hemi lidim olketa go long Samaria.

Gudnius abaotem Jisas Kraes wea Jon hemi raetem 1:38

Nao taem Jisas hemi luk kambaek, hemi lukim tufala ya wea i go bihaen long hem nao. Nao Jisas hemi askem tufala olsem, “?Wanem nao yutufala laekem?” So tufala sei long hem, “?Rabae, wea nao yu stap?” Disfala toktok “Rabae” hemi minim tisa.

Gudnius abaotem Jisas Kraes wea Jon hemi raetem 18:4

Jisas hemi save finis long evrisamting wea bae hemi hapen long hem, so hemi go fo mitim olketa nao. Hemi askem olketa olsem, “?Hu nao yufala lukaotem?”

Gudnius abaotem Jisas Kraes wea Jon hemi raetem 18:7

Jisas hemi askem olketa olsem moa, “?Hu nao yufala lukaotem?” An olketa sei moa, “Mifala lukaotem Jisas blong Nasaret ya.”

Gudnius abaotem Jisas Kraes wea Jon hemi raetem 20:15

Jisas hemi askem hem olsem, “?Woman, waswe nao yu krae? ?Hu nao yu lukaotem?” Meri hemi tingse hemi disfala man hu hemi lukaftarem ples ya nomoa, so hemi tok olsem long hem nao, “Bikman, sapos yu nao tekem hem, plis yu talem mi wea nao yu putum hem, mekem mi save go an tekem hem.”

Gudnius abaotem Jisas Kraes wea Jon hemi raetem 4:27

Long taem ya, olketa disaepol blong Jisas olketa kambaek nao. An olketa sapraes fo lukim dat Jisas hemi toktok long disfala woman blong Samaria ya. Bat nomata olsem, no eniwan long olketa hemi askem hem abaotem wanem nao hemi laekem o waswe nao hemi toktok long woman ya.

Jajis 4:22

Barak hemi gohed fo lukaotem Sisera, an taem hemi kasem ples ya, Jael hemi mitim hem. An hemi tok long hem olsem, “Yu kam. Man wea yu lukaotem hemi stap long hia. Bae mi som long yu.” Barak hemi go wetem hem an lukim dat Sisera hemi dae finis an hemi lukim tu wea stik ya hemi stap yet long hed blong hem.