Jenesis 36:8 - Pijin Bible

⁸ So Iso hemi go stap long olketa maonten long kantri ya olketa kolem Idom, wea olfala nem blong hem nao Seia.

Pijin Deuterocanon

⁸ So Iso hemi go stap long olketa maonten long kantri ya olketa kolem Idom, wea olfala nem blong hem nao Seia.

Jenesis 36:8 ပူးပေါင်းရင်းမြစ်များ

Jenesis 14:6

An olketa kam long hil eria ya wea olketa kolem Idom, an faet wetem olketa laen blong Hori, an winim olketa, an ranem olketa go-go kasem wanfala ples wea olketa kolem Elparan, kolsap long wanfala bikfala drae eria.

Jenesis 25:30

an hemi tok olsem long Jekob, “!Ei, mi hanggre tumas! Yu tekem kam red supsup ya.” Dastawe olketa man i kolem hem Idom.

Jenesis 32:3

Jekob hemi sendem samfala man fo tekem toktok blong hem go long brata blong hem Iso, long kantri ya wea olketa kolem Seia, wea narafala nem blong hem Idom. Hemi talem long olketa, mekem olketa tok olsem long Iso, “Masta, wakaman blong yu, Jekob, hemi sendem mifala kam fo talem toktok blong hem long yu. Hemi tok olsem, ‘Masta blong mi. Bifoa, mi lusim ples ya an mi go stap wetem Laban, an mi stap wetem hem ka-kam kasem distaem wea mi gohed fo ka-kambaek. Mi garem olketa buluka an olketa dongki, an olketa sipsip an olketa nanigot, an olketa slev man an olketa slev woman. An mi sendem toktok ya kam long yu, sapos yu save hapi fo lukim mi.’” Nao hemi sendem olketa man ya fo go fastaem long hem, an lukim Iso.

Jenesis 36:1

Stori abaotem laen blong Iso wea narafala nem blong hem nao Idom, hemi olsem:

Jenesis 36:9

Long wei ya nao, hemi kamap grandadi blong olketa pipol long Idom, wea hem nao olketa wea i stap long olketa maonten long kantri ya.

1 Kronikols 4:42

Bihaen, fofala san blong Isi olsem, Pelataea, an Nearaea, an Refaea, an Usiel, fofala ya i lidim 500 man long traeb blong Simion. Olketa ya go faet long kantri long Idom long ist.

2 Kronikols 20:10

“Bat distaem, ami blong Amon, an ami blong Moab, an ami blong Idom i kam fo faetem mifala. Bifoa, taem olketa olfala grani blong mifala i kamaot from Ijip, yu no letem olketa fo tekova long lan blong olketa pipol ya, so olketa no spoelem enisamting blong olketa ya.

2 Kronikols 20:23

bikos olketa soldia blong Amon an olketa soldia blong Moab i faet agensim olketa soldia blong Idom, an kilim olketa evriwan dae. Den olketa soldia blong Amon an Moab i gohed fo faetem olketa seleva an kilim olketa seleva dae.

Jeremaea 40:11

Nao olketa pipol blong Jiuda hu bin ranawe go long trifala kantri long Moab, an Amon, an Idom, an long olketa narafala kantri tu, i herem nius wea king blong Babilonia hemi letem smolfala haf blong olketa pipol blong Jiuda i stap yet long Jiuda, an olketa herem tu wea hemi siusim Gedalaea, san blong Safan, olsem gavna blong olketa.

Obadaea 1:1

Olketa toktok ya, hemi profesi wea Yawe hemi talem long Profet Obadaea. (Profet) Yawe hemi sendem wanfala man fo tekem mesij blong hem go long olketa kantri, an yumi herem finis toktok blong hem. Hemi tok olsem long olketa, “Distaem yufala mas redim yufala seleva, mekem yumi go fo faetem olketa pipol blong Idom.” Yawe hu hemi Masta hemi tok olsem long olketa pipol blong Idom,

Obadaea 1:3

Yufala haemapem yufala seleva tumas. Yufala stap long olketa strongfala ples antap long olketa maonten blong yufala, an yufala tingting olsem, ‘!No eniwan save mekem mifala kamdaon!’ Bat olketa tingting ya hemi laea nomoa.

Malakae 1:3

bat mi les long Iso. Dastawe nao mi spoelem finis disfala lan blong olketa laen blong Iso long olketa maonten blong hem, an letem fo hemi kamap ples blong olketa wael dog.?

Diutronomi 2:22

Hem nao sem wei wea Yawe hemi mekem fo helpem laen blong Iso wea i stap long Seia, long olketa ples long maonten. Hemi kilim pipol blong Hoa, an laen blong Iso i tekova long lan blong olketa, an stap long hem kam kasem tude.

Diutronomi 2:4

An hemi talem mi fo tokstrong olsem, ‘Bae yufala gotru long eria long Seia wea hemi lan blong olketa wantok blong yufala long laen blong Iso. Olketa ya bae i fraetem yufala. So yufala mas tingting gudfala.

Diutronomi 2:5

Yufala mas no faetem olketa, bikos bae mi no save givim eni smol pisgraon blong olketa fo yufala. Mi givim finis disfala lan long maonten long Seia long laen blong Iso.

Josua 24:4

an bihaen, Aesak hemi bonem Jekob an Iso. Mi nao mi givim olketa lan long olketa hil eria long Idom fo Iso. Bat grani blong yufala Jekob wetem olketa pikinini blong hem i godaon fo stap long Ijip.

1 Samuel 14:47

Bihaen long taem Sol hemi kamap king blong Israel, oltaem hemi faetem olketa enemi blong hem long olketa ples raonem lan blong Israel. Hem nao olketa blong Moab, an olketa blong Amon, an olketa blong Idom, an olketa king blong Soba, an olketa blong Filistia. An evritaem hemi go faet long olketa, hemi barava spoelem olketa.