Jenesis 36:6 - Pijin Bible

⁶ Nao Iso hemi tekem trifala waef blong hem ya, wetem olketa pikinini blong hem, an olketa pipol wea i stap wetem hem, an olketa animol blong hem, an evrisamting blong hem wea hemi garem long Kenan, nao hemi lusim brata blong hem Jekob, an hemi go stap long narafala kantri.

Pijin Deuterocanon

⁶ Nao Iso hemi tekem trifala waef blong hem ya, wetem olketa pikinini blong hem, an olketa pipol wea i stap wetem hem, an olketa animol blong hem, an evrisamting blong hem wea hemi garem long Kenan, nao hemi lusim brata blong hem Jekob, an hemi go stap long narafala kantri.

Jenesis 36:6 ပူးပေါင်းရင်းမြစ်များ

Jenesis 13:11

Nao Lot hemi sius fo muv go long saet long ist long vali ya long Jodan Riva, an hemi stap long hem, an hemi goaot long ples wea tufala stap long hem fo go long ples ya nao. Ebram nomoa hemi stap bihaen long Kenan, bat Lot hemi go stap long midol long olketa taon wea i stap raonem Jodan riva, kolsap long taon ya wea olketa kolem Sodom. Hem nao wei wea tufala ya i divaed.

Jenesis 13:6

Ebram an Lot, tufala garem plande samting tumas, wea hemi no fitim nao fo tufala stap moa long wanfala ples, bikos graon ya hemi no naf nao fo evri animol blong tufala.

Jenesis 17:8

Distaem yufala stap long graon ya olsem olketa strensa nomoa, bat bae mi givim fo yu wetem olketa pikinini wea bae olketa bon kam long laen blong yu. Olketa graon ya blong olketa laen blong Kenan bae hemi kamap graon blong yufala. Bae yufala onam olowe nao, an bae mi nao God blong yufala.”

Jenesis 25:23

Nao Yawe hemi tok olsem long hem, “Tufala pikinini nao i stap long bele blong yu, an tufala evriwan bae i grandadi blong tufala laen. Tufala laen ya bae hemi bon kam long laen blong yu, bae wanfala hemi traehad olowe fo kamap hae moa long narawan, bat wanfala long tufala bae hemi strong moa, winim narawan. Fasbon bae hemi waka fo mektu pikinini ya.”

Jenesis 28:4

Letem God hemi blesim yu, wetem olketa wea bae i bon kam long laen blong yu, olsem wea hemi bin blesim grani blong yu Ebraham. Olketa graon ya wea yumi stap long hem distaem, God hemi givim finis long grani blong yu ya bifoa an bae hemi givim long olketa wea i bon kam long laen blong hem, an letem graon ya hemi kamap graon blong yu.”

Jenesis 32:3

Jekob hemi sendem samfala man fo tekem toktok blong hem go long brata blong hem Iso, long kantri ya wea olketa kolem Seia, wea narafala nem blong hem Idom. Hemi talem long olketa, mekem olketa tok olsem long Iso, “Masta, wakaman blong yu, Jekob, hemi sendem mifala kam fo talem toktok blong hem long yu. Hemi tok olsem, ‘Masta blong mi. Bifoa, mi lusim ples ya an mi go stap wetem Laban, an mi stap wetem hem ka-kam kasem distaem wea mi gohed fo ka-kambaek. Mi garem olketa buluka an olketa dongki, an olketa sipsip an olketa nanigot, an olketa slev man an olketa slev woman. An mi sendem toktok ya kam long yu, sapos yu save hapi fo lukim mi.’” Nao hemi sendem olketa man ya fo go fastaem long hem, an lukim Iso.

Esikiel 27:13

“Olketa blong olketa kantri long Gris, an Tubal, an Mesek i gohed fo mekem bisnis wetem yu, bikos olketa salem olketa slev an olketa samting wea olketa mekem long bras fo olketa gudfala samting wea yu garem.

Revelesin 18:13

An olketa garem nara kago blong olketa moa, olsem olketa kaen samting fo suitim kaikai, an olketa deferen kaen insens, an waen, an oel, an flaoa, an wit, an olketa buluka, an sipsip, an hos, an olketa kaat blong hos, an olketa pipol wea olketa slev.