Jenesis 34:31 - Pijin Bible

³¹ Bat tufala tok olsem long hem, “?Waswe, yu laekem olketa fo mekem sista blong mifala fo olsem juri nomoa?”

Pijin Deuterocanon

³¹ Bat tufala tok olsem long hem, “?Waswe, yu laekem olketa fo mekem sista blong mifala fo olsem juri nomoa?”

Jenesis 34:31 ပူးပေါင်းရင်းမြစ်များ

Jenesis 34:13

Bat bikos boe ya hemi mekem bikfala sem long gele ya, olketa brata blong hem i stanap kam an laea long boe ya wetem dadi blong hem.

Jenesis 34:27

Taem evri man ya i dae finis, olketa narafala brata blong tufala i kam long taon ya, an tekem evrisamting blong olketa pipol long ples ya, an spoelem taon ya nao. Long wei ya, olketa sensimbaek bikfala sem ya wea boe ya hemi bin duim long sista blong olketa.

Jenesis 34:30

Nao Jekob hemi tok olsem long tufala pikinini blong hem ya, “Tufala. Yutufala mekem wanfala bikfala trabol long mi ya. Distaem, olketa laen blong Kenan, wetem olketa laen blong Peris, an olketa narafala pipol wea i stap olobaot long kantri ya bae olketa no laekem mi moa nao ya, bae olketa agensim mi ya, bat yumi no plande nomoa. Sapos olketa ya i joen tugeta, an i kam fo faetem yumi, bae yumi evriwan lus nao ya.”

Jenesis 35:1

Nao Yawe hemi tok olsem long Jekob, “Yu gobaek long Betel an stap long dea. Yu mas wakem wanfala olta fo wosipim mi. Mi nao God, wea mi bin kasem yu long taem yu ranawe from brata blong yu Iso.”

Jenesis 49:7

Letem God hemi panisim yutufala from kros ya blong yutufala wea hemi gohed fo kamap strong tumas, an long wei wea yutufala laek fo mekem olketa pipol safa tumas. Bae mi divaedem olketa wea bae i bon kam bihaen long yutufala fo stap olobaot long midol long olketa narafala pipol wea bae i bon kam bihaen long mi.

Provebs 6:34

Sapos man hemi durong wetem waef blong nara man, bae hasban ya barava kros tumas. Fo sensim disfala rong, hasban ya bae hemi nating kaen taem hemi sensimbaek.