Jenesis 34:24 - Pijin Bible

²⁴ Nao olketa man blong taon ya i agri nao long toktok blong tufala ya. So evri man long ples ya i kate nao.

Pijin Deuterocanon

²⁴ Nao olketa man blong taon ya i agri nao long toktok blong tufala ya. So evri man long ples ya i kate nao.

Jenesis 34:24 ပူးပေါင်းရင်းမြစ်များ

Jenesis 17:23

So long sem de ya nomoa, Ebraham hemi duim olsem wea God hemi talem hem. Ebraham an pikinini blong hem Ismael, wetem olketa narafala man blong hem wea olketa stap wetem hem, olketa evriwan i kate. Evri slev man blong hem, olketa man wea i bon long haos blong hem, wetem olketa wea hemi peimaot olketa long narafala man fo olketa kamap slev blong hem, olketa evriwan i kate tu. Long taem ya, hemi kasem naenti-naen yia blong hem,

Jenesis 23:10

Nao olketa ya long laen blong Het i gohed fo sidaon nomoa long doa blong bikfala wolston long taon ya, wea hem nao hemi barava ples long kastom blong olketa fo tokabaotem olketa bisnis olsem. An long taem ya, Efron tu hemi sidaon wetem olketa. Nao long ae blong olketa, hemi tok olsem,

Jenesis 23:18

an olketa laen blong Het wea olketa stap long miting ya olketa savegud dat long taem ya, graon ya hemi kamap graon blong Ebraham nao.

Jenesis 34:23

!An yufala lukim! Sapos yumi agri an letem olketa fo stap wetem yumi, bae evri animol blong olketa ya wetem olketa narafala samting moa bae olketa blong yumi nao. Hemi gud fo yumi agri fo duim olsem wea olketa talem ya, an bae olketa save stap wetem yumi.”

Matiu 7:6

“Yufala mas no tekem olketa samting wea hemi tambu an givim go long olketa dog nomoa, bikos bae olketa tane kam long yufala an spoelem yufala. An yufala no torowem enisamting wea hemi gudfala tumas long olketa pikpik, bikos bae olketa step antap long olketa samting ya nomoa.”

1 Korin 7:19

Bikos nomata man hemi kate o nomoa, hemi samting nating. Bikfala samting nao hemi fo obeim olketa lo blong God.