Jenesis 34:21 - Pijin Bible

²¹ “Olketa. Olketa man ya i laek fo frengud wetem yumi ya. Hemi moabeta fo yumi letem olketa fo stap long graon blong yumi ya an mekem bisnis. Graon ya hemi bikfala nomoa ya, an hemi naf nomoa fo yumi evriwan ya. An hemi gud fo yumi letem olketa boe blong yumi fo maritim olketa gele blong olketa, an olketa boe blong olketa fo maritim olketa gele blong yumi.

Pijin Deuterocanon

²¹ “Olketa. Olketa man ya i laek fo frengud wetem yumi ya. Hemi moabeta fo yumi letem olketa fo stap long graon blong yumi ya an mekem bisnis. Graon ya hemi bikfala nomoa ya, an hemi naf nomoa fo yumi evriwan ya. An hemi gud fo yumi letem olketa boe blong yumi fo maritim olketa gele blong olketa, an olketa boe blong olketa fo maritim olketa gele blong yumi.

Jenesis 34:21 ပူးပေါင်းရင်းမြစ်များ

Jenesis 34:10

An bae yufala save stap wetem mifala long graon blong mifala ya. Bae yufala save go stap long eni ples wea yufala laekem long hia, an yufala save mekem bisnis wetem mifala, an yufala save onam graon blong yufala long ples ya.”

Jenesis 34:20

Nao tufala go sidaon long doa blong bikfala wolston long taon ya, wea hem nao barava ples long kastom blong olketa fo tokabaotem olketa bisnis blong olketa long hem. Nao dadi blong boe ya hemi tok olsem long olketa man blong ples ya,

Jenesis 34:22

Bat wanfala samting nomoa hemi stopem disfala samting ya. Long kastom blong olketa, olketa man mas kate ya. An olketa talem sapos yumi laekem olketa fo stap wetem yumi, mekem yumi olsem olketa pipol long wanfala laen nomoa, yumi evri man nao mas kate.

Jenesis 42:34

Bat yufala mas tekem kam lasbon brata blong yufala ya long hia mekem mi lukim hem. Long wei ya nao, bae mi save dat yufala i no man fo luksave long ples, an toktok blong yufala hemi tru. Sapos olsem, bae mi jes letem brata blong yufala ya fo gobaek an stap wetem yufala, an bae yufala save go nomoa eniples long kantri ya wea yufala laekem.’”