Jenesis 33:13 - Pijin Bible

¹³ Bat Jekob hemi tok olsem, “Bos, hemi gud nomoa, bat yu save, olketa pikinini blong mi i no strong. An mi mas tingim olketa animol ya tu wea i garem pikinini. Sapos mi mekem olketa fo wakabaot strong fo wanfala ful de nomoa, bae olketa evriwan i dae ya.

Pijin Deuterocanon

¹³ Bat Jekob hemi tok olsem, “Bos, hemi gud nomoa, bat yu save, olketa pikinini blong mi i no strong. An mi mas tingim olketa animol ya tu wea i garem pikinini. Sapos mi mekem olketa fo wakabaot strong fo wanfala ful de nomoa, bae olketa evriwan i dae ya.

Jenesis 33:13 ပူးပေါင်းရင်းမြစ်များ

Jenesis 33:12

Bihaen Iso hemi sei, “Oraet, yumi go. Bae mi go wetem yu.”

Jenesis 33:14

Hemi moabeta yu go fastaem. Bae mifala gohed fo kam bihaen, wea bae mifala no wakabaot strong tumas. Bae mifala gohed fo wakabaot slou-slou kam, olsem wea olketa pikinini ya an olketa animol ya i bin ka-kam, go-go bae mifala joen moa wetem yu long Idom.”

1 Kronikols 22:5

King Deved hemi bin tok olsem, “Disfala Tambuhaos blong Yawe bae hemi mas kamap barava nambawan Tambuhaos wea olketa pipol long wol i save long hem. San blong mi, Solomon, bae hemi mas bildim. Bat hemi wanfala yangman nomoa, an hemi no duim enikaen bikfala waka olsem yet. Dastawe mi mas redim olketa samting blong Tambuhaos ya.” So long taem Deved hemi no dae yet, hemi redim plande samting olsem.

Provebs 12:10

Gudfala man hemi lukaftarem olketa animol blong hem. Nogud man hemi mekem olketa safa.

Aesaea 40:11

Hemi lukaftarem gudfala olketa pipol blong hem, olsem wanfala man hu hemi lukaftarem olketa sipsip blong hem. Ya, hemi olsem man hu hemi karim olketa smolwan long am blong hem, an hemi lidim olketa mami sipsip wea i garem pikinini fo go slou.

1 Samuel 6:10

So olketa pipol i go wakem olketa samting ya. Olketa tekem tufala buluka an olketa fasenem kaat long tufala, an olketa satem tufala pikinini blong tufala long haos blong buluka.