Jenesis 31:48 - Pijin Bible

⁴⁸ Nao Laban hemi tok olsem long hem, “Hip blong olketa ston ya bae hemi mak blong yumitufala fo disfala promis blong yumitufala.” Dastawe Jekob hemi kolem ples ya olsem “Galeed”.

Pijin Deuterocanon

⁴⁸ Nao Laban hemi tok olsem long hem, “Hip blong olketa ston ya bae hemi mak blong yumitufala fo disfala promis blong yumitufala.” Dastawe Jekob hemi kolem ples ya olsem “Galeed”.

Jenesis 31:48 ပူးပေါင်းရင်းမြစ်များ

Jenesis 21:30

Nao Ebraham hemi tok olsem, “Mi laekem fo yu tekem olketa ya fo yu. Long wei ya nao, bae yu talem tru dat mi nao mi digim wel ya an hemi blong mi.”

Jenesis 31:23

So hemi tekem olketa man long laen blong hem, an go bihaen long olketa. Bihaen sevenfala de, Laban hemi kasem hem long olketa maonten long Gilead.

Diutronomi 2:36

Long taem ya, Yawe hemi helpem yumi fo tekova long evri taon blong olketa, stat long Aroa long saet long Anon Riva, an taon long flat ples kolsap long riva ya, go-go kasem ples long Gilead long not. No eni taon hemi garem wolston wea hemi hae tumas o strong tumas, mekem yumi no save winim.

Diutronomi 3:16

An narafala haf blong eria ya wetem lan wea hemi go kasem Anon Riva long saot, mi givim long traeb blong Ruben wetem traeb blong Gad. Lan blong olketa, baondri blong hem long saot hemi stap stret long midol long riva Anon, an baondri blong hem long ist hemi stap long Jabok Riva, an olketa pipol blong Amon i stap long narasaet.

Josua 22:27

Olta ya hemi fo somaot dat yumi evriwan long evri jeneresin i save go long Tambu Haostent blong Yawe fo mekem olketa deferen sakrifaes. Long wei olsem olketa wea bae i bon kam long olketa traeb blong yufala no save tok olsem long olketa wea bae i bon kam long trifala traeb blong mifala, ‘Yufala no save wosipim Yawe.’

Josua 22:28

“Tingting blong mifala nao hemi olsem, sapos olketa long traeb blong yufala i toktok olsem, olketa long traeb blong mifala bae i tok olsem, ‘!Bat yufala lukim! Olketa grani blong mifala long bifoa nao i mekem olta ya, olsem olta blong Yawe. Bat diswan hemi wanfala memori nomoa fo somaot dat mifala pipol blong Yawe tu wea olta ya hemi no fo bonem sakrifaes long hem.’

Josua 22:34

Olketa pipol long traeb blong Ruben an Gad i tok olsem, “Disfala olta nao hemi wanfala memori fo yumi evriwan wea Yawe nao hemi God.” So olketa kolem olta ya “Memori”.

Josua 24:27

An hemi tok olsem long olketa evriwan, “Bikfala ston ya nao bae hemi olsem witnes blong yumi, bikos hemi olsem wanfala man wea hemi herem evri toktok wea Yawe hemi givim long yumi. Bae hemi olsem witnes fo talemaot sapos yufala duim enisamting agensim God blong yumi.”

Jajis 10:3

Bihaen, Jaea hu hemi man blong Gilead, hemi kamap sif an lidim olketa pipol blong Israel fo tuenti-tu yia.