Jenesis 31:34 - Pijin Bible

³⁴ Bat woman ya hemi haedem finis olketa kaving ya insaet long wanfala basket wea i haf blong sea fo sidaon long kamel blong hem, nao hemi gohed fo sidaon antap long basket ya. Nomata dadi blong hem hemi kam, an hemi lukluk olobaot long evri ples insaet long haostent ya, hemi no save faendem.

Pijin Deuterocanon

³⁴ Bat woman ya hemi haedem finis olketa kaving ya insaet long wanfala basket wea i haf blong sea fo sidaon long kamel blong hem, nao hemi gohed fo sidaon antap long basket ya. Nomata dadi blong hem hemi kam, an hemi lukluk olobaot long evri ples insaet long haostent ya, hemi no save faendem.

Jenesis 31:34 ပူးပေါင်းရင်းမြစ်များ

Jenesis 31:17

So Jekob hemi mekredi long evrisamting blong hem fo gobaek long dadi blong hem long Kenan. Hemi mekem wea tufala waef blong hem an olketa pikinini blong hem olketa go antap long olketa kamel, an olketa man blong hem olketa gohed fo mekem olketa animol blong hem fo go fastaem, wetem evrisamting wea hemi garem taem hemi stap long Mesopotemia.

Jenesis 31:19

Bat taem wea Laban hemi goaot fo katem hea blong olketa sipsip blong hem, Resel hemi go an stilim olketa smolfala kaving long olketa laea god blong dadi blong hem wea i stap insaet long haos.

Jenesis 31:33

So Laban hemi go lukaot olobaot fo olketa kaving ya insaet long haostent blong Jekob, an hemi go duim olsem long haostent blong Lea, an long haostent blong tufala slev gele blong tufala dota blong hem ya tu, bat hemi no faendem olketa. Nao hemi go insaet long haostent blong Resel.

Jenesis 31:35

Resel ya hemi tok olsem long dadi blong hem, “Sore tumas dadi, mi sik ya an mi no fitim fo stanap long ae blong yu. Plis yu no kros long mi.” So Laban hemi gohed fo lukaot long evri ples fo olketa kaving ya bat hemi no faendem nao.

Hosia 3:4

Long sem wei tu, bae olketa pipol blong Israel mas stap fo lelebet longtaem, wea olketa no garem king, o bikman. An bae olketa no mekem sakrifaes moa long olketa narafala god, an no stanemap moa olketa pos fo wosipim. An bae olketa no yusim moa olketa kaving, o olketa narafala samting moa fo faendemaot abaotem enisamting wea bae hemi no kamap yet.

Levitikas 15:9

An sapos man hu hemi garem sik ya hemi sidaon long wanfala sea long hos o kamel, o eni narafala sea, oraet, sea ya hemi no klin long ae blong mi.

Jajis 18:24

So Maeka hemi tok olsem, “?Waswe nao yufala tok olsem? Yufala bin tekem prist blong mi wetem olketa god wea mi wakem. !Mi no garem enisamting nao!”

1 Samuel 15:23

Wei wea man hemi les long God, hemi sin olsem man hemi mekem majik long grinlif. An wei wea man hemi haemapem hem seleva, hemi nogud tumas olsem hemi wosipim tambu kaving blong narafala god. Bikos yu les long toktok blong Yawe, hemi les fo yu king.”