Jenesis 30:33 - Pijin Bible

³³ Nao bae hemi isi nomoa fo yu fo sekemap sapos mi gohed fo mekem stret o nomoa. Taem yu wande sekemap pei blong mi ya, sapos yu lukim dat mi garem nanigot wea i blak tumas, an mi garem sipsip wea i no blak tumas, bae yufala save talem dat mi bin stilim.”

Pijin Deuterocanon

³³ Nao bae hemi isi nomoa fo yu fo sekemap sapos mi gohed fo mekem stret o nomoa. Taem yu wande sekemap pei blong mi ya, sapos yu lukim dat mi garem nanigot wea i blak tumas, an mi garem sipsip wea i no blak tumas, bae yufala save talem dat mi bin stilim.”

Jenesis 30:33 ပူးပေါင်းရင်းမြစ်များ

Jenesis 30:32

Bae yu letem mi fo go lukluk seleva long olketa animol blong yu tude. Olketa smolfala sipsip wea i blak tumas, wetem olketa smolfala nanigot wea i no blak tumas, wea hemi garem lelebet waet olobaot long bodi blong olketa, olketa ya nao bae mi tekemaot fo mi. An hem nao pei blong mi.

Jenesis 30:34

Nao inlo blong hem hemi tok olsem, “Hemi gud nomoa. Bae yumi duim olsem wea yu bin talem.”

Jenesis 31:37

?Yufala go lukluk long olketa samting ya blong mi ya, bat wanem nao yufala faendem? !Sapos yufala faendem enisamting, yufala tekem kam! Olketa man blong yumi ya olketa stap. !Yufala putum long ae blong olketa, mekem olketa luksave hu long yumitufala nao hemi stret!

2 Samuel 22:21

Yawe hemi gohed fo helpem mi olsem, bikos mi falom stretfala wei. Hemi gohed fo blesim mi olsem, bikos mi no duim eni nogud samting.

Sams 37:6

Bae evriwan i lukim olketa stretfala wei blong yu olsem samting wea hemi stap long klia delaet, an bae hemi som dat olketa waka blong yu hemi gudfala olsem san wea hemi saen long midol long de.

Eksodas 13:14

An sapos olketa pikinini boe blong yufala i askem yufala olsem, ‘?Waswe nao yumi gohed fo duim olketa samting ya?’, bae yufala mas tok olsem long olketa, ‘Olketa samting ya hemi fo makem taem wea mifala waka olsem slev long Ijip. Nao Yawe hemi tekem mifala aot from ples ya, long bikfala paoa blong hem.

Aesaea 59:12

“Yawe. Mifala bin agensim yu long plande samting nao, an olketa sin blong mifala hemi olsem witnes agensim mifala. Mifala save long evri ravis samting wea mifala bin duim.

1 Samuel 26:23

Oltaem Yawe hemi duim gudfala samting long olketa wea olketa tinghevi long hem, an wei blong olketa hemi stret. Distaem, hemi putum yu long paoa blong mi, bat mi no save kilim yu, bikos hem nomoa hemi siusim yu fo kamap king.