Jenesis 30:32 - Pijin Bible

³² Bae yu letem mi fo go lukluk seleva long olketa animol blong yu tude. Olketa smolfala sipsip wea i blak tumas, wetem olketa smolfala nanigot wea i no blak tumas, wea hemi garem lelebet waet olobaot long bodi blong olketa, olketa ya nao bae mi tekemaot fo mi. An hem nao pei blong mi.

Pijin Deuterocanon

³² Bae yu letem mi fo go lukluk seleva long olketa animol blong yu tude. Olketa smolfala sipsip wea i blak tumas, wetem olketa smolfala nanigot wea i no blak tumas, wea hemi garem lelebet waet olobaot long bodi blong olketa, olketa ya nao bae mi tekemaot fo mi. An hem nao pei blong mi.

Jenesis 30:32 ပူးပေါင်းရင်းမြစ်များ

Jenesis 30:31

Bat inlo blong hem hemi askem moa olsem, “Sapos olsem, ?Wanem nao bae mi givim long yu?” Nao hemi tok olsem, “Mi no laekem yu fo peim mi long eni seleni. Bae mi talemaot wanfala tingting, nao sapos yu agri long disfala tingting ya, bae mi save gohed moa fo lukaftarem olketa animol blong yu.

Jenesis 30:33

Nao bae hemi isi nomoa fo yu fo sekemap sapos mi gohed fo mekem stret o nomoa. Taem yu wande sekemap pei blong mi ya, sapos yu lukim dat mi garem nanigot wea i blak tumas, an mi garem sipsip wea i no blak tumas, bae yufala save talem dat mi bin stilim.”

Jenesis 30:35

Bat long sem de ya nomoa, Laban hemi go tekemaot olketa nanigot blong hem wea olketa i no blak tumas wea i garem lelebet waet hemi stap olobaot long bodi blong olketa, wetem olketa sipsip wea olketa i blak tumas, nao hemi putum olketa long han blong olketa boe blong hem fo lukaftarem.

Jenesis 31:10

“Long taem wea olketa mere nanigot i letem man nanigot fo klaemapem olketa, mi lukim wanfala drim. Nao long drim ya mi lukim olketa man nanigot ya wea i gohed fo klaemapem olketa merewan ya, olketa i blak bat olketa garem waet mak olobaot long bodi blong olketa. Samfala long olketa garem olketa waet laen long bodi blong olketa, an samfala long olketa garem olketa bikfala waet mak long bodi blong olketa, an samfala long olketa garem olketa smolfala waet mak olobaot long bodi blong olketa.

Jenesis 31:8

Taem wea hemi sei, ‘Pei blong yu, bae yu tekem olketa smolfala nanigot ya wea olketa i blak bat olketa garem lelebet waet olobaot long bodi blong olketa,’ nao olketa mere nanigot blong hem ya i gohed fo bonem olketa pikinini olsem nao. Bat taem hemi sei, ‘Pei blong yu nao bae yu tekem olketa smolfala nanigot wea olketa i blak bat olketa garem olketa waet laen long bodi blong olketa,’ nao olketa mere nanigot blong hem ya i gohed fo bonem olketa pikinini olsem wea hem bin talem.