Jenesis 26:34 - Pijin Bible

³⁴ Taem Iso hemi kasem foti yia, hemi maritim tufala gele wea tufala bon kam long laen blong Het. Hemi tekem Jiudit wea i dota blong Beeri, an Basemat wea i dota blong Elon.

Pijin Deuterocanon

³⁴ Taem Iso hemi kasem foti yia, hemi maritim tufala gele wea tufala bon kam long laen blong Het. Hemi tekem Jiudit wea i dota blong Beeri, an Basemat wea i dota blong Elon.

Jenesis 26:34 ပူးပေါင်းရင်းမြစ်များ

Jenesis 27:46

Bihaen, Ribeka hemi tok olsem long Aesak, “Mi barava les nao long tufala woman ya long laen blong Het wea Iso hemi maritim ya. !Sapos Jekob hemi maritim moa wanfala gele long laen blong Het, ating hemi moabeta fo mi dae nomoa!”

Jenesis 28:8

So Iso hemi luksave nao wea dadi blong tufala i no laekem tufala pikinini blong hem ya fo maritim eni gele long Kenan.

Jenesis 28:9

Iso hemi garem finis tufala waef ya, bat hemi go moa long Ismael wea dadi blong hem Ebraham, an hemi maritim wanfala dota blong hem, wea hemi kamap mektri waef blong hem. Gele ya, nem blong hem nao Mahalat, an hemi sista blong Nebaeot, hu hemi fasbon blong Ismael ya.

Jenesis 36:2

Iso hemi maritim tufala woman long Kenan, wea nem blong tufala nao Ada, an Oholibama. Ada ya, dadi blong hem nao Elon, man long laen blong Het, an Oholibama ya, dadi blong hem nao Ana, an hemi smolfala grani blong Sibeon, hu hemi man long laen blong Hivi.

Eksodas 34:16

Nogud yufala tekem olketa gele blong olketa ya fo maritim olketa boe blong yufala, an long wei ya nao, bae olketa woman ya i pulum yufala fo goawe from mi an aftarem olketa god blong olketa.

1 Korin 7:2

Bat bikos plande pipol tumas olketa i olobaot nomoa, hemi moabeta fo evri man hemi garem waef blong hem seleva, an fo evri woman hemi garem hasban blong hem seleva nomoa.

Hibrus 12:16

Yufala mas lukaot gud, mekem no eniwan long yufala hemi durong olobaot, an nogud eniwan long yufala hemi olsem Iso hu hemi no tinghae long God. Bikos Iso hemi hanggre tumas long wanfala taem, hemi salem go long Jekob disfala spesol raet blong hem wea hemi garem olsem fasbon.

1 Samuel 26:6

Den hemi tok long Ahimelek hu hemi man blong Het, an Abisae wea hemi brata blong Joab, wea mami blong hem nao Seruia. Hemi askem tufala olsem, “?Hu nao long yutufala hemi wande kam wetem mi fo go insaet long ples wea Sol hemi stap long hem?” An Abisae hemi tok olsem, “Mi nao ya.”