Jenesis 24:67 - Pijin Bible

⁶⁷ Nao Aesak hemi tekem gele ya fo go stap long haostent ya wea mami blong hem Sera hemi bin stap long hem bifoa, an hemi maritim hem nao. Aesak hemi lavem gele ya tumas so sore blong hem long dae blong mami blong hem hemi finis.

Pijin Deuterocanon

⁶⁷ Nao Aesak hemi tekem gele ya fo go stap long haostent ya wea mami blong hem Sera hemi bin stap long hem bifoa, an hemi maritim hem nao. Aesak hemi lavem gele ya tumas so sore blong hem long dae blong mami blong hem hemi finis.

Jenesis 24:67 ပူးပေါင်းရင်းမြစ်များ

Jenesis 18:6

So Ebraham hemi hariap go insaet long haostent, an hemi tok olsem long Sera, “!Kuiktaem! Yu go tekem wanfala smolfala beg flaoa wea hemi barava gudfala an yu bekem samfala bred fo trifala ya.”

Jenesis 24:66

Nao taem olketa go kasem Aesak, wakaman ya hemi stori long hem, an hemi talemaot evrisamting ya long hem wea i kamap longwe.

Jenesis 25:1

Nao Ebraham ya, hemi maritim narafala woman moa wea nem blong hem Ketura.

Jenesis 25:20

Taem Aesak hemi maritim Ribeka, hemi kasem foti yia blong hem. Woman ya hemi dota blong Betuel, wanfala man blong Mesopotemia, long distrik ya wea olketa kolem Aram.

Jenesis 29:18

An Jekob hemi lavem Resel tumas, nao hemi tok olsem long angkol blong hem, “Mi hapi fo waka sevenfala yia fo yu, sapos yu letem mi maritim mektu dota blong yu ya.”

Jenesis 37:35

Olketa narafala pikinini boe blong hem, wetem olketa dota blong hem olketa kam an trae fo mekem hem filgud moa, bat hemi no save filgud moa nao, hemi gohed fo tok olsem, “Bae mi gohed fo sore long pikinini blong mi go-go kasem taem wea mi dae.” So hemi gohed fo krae fo pikinini blong hem ya.

Jenesis 38:12

Nao bihaen, waef blong Jiuda hemi dae, an Jiuda hemi krae fo hem, go-go kasem taem fo finisim sore, nao hem wetem fren blong hem ya Hirah, tufala go long Timna. Long ples ya, olketa man blong hem i gohed fo katemaot hea blong olketa sipsip blong hem.

Nambawan Singsing 8:2

Sapos hemi olsem, bae mi tekem yu go long haos blong mami blong mi, hu hemi bin tisim mi. An bae mi givim yu spesol waen an wata blong pomegranet blong mi fo yu dringim.

1 Tesalonaeka 4:13

Olketa Kristin fren, mifala laekem yufala fo savegud abaotem wanem bae hemi hapen long olketa hu i dae finis. Hem nao save mekem yufala no sore tumas olsem olketa pipol hu i no trastem God.

1 Tesalonaeka 4:15

Toktok mifala talemaot distaem hemi falom tising blong Masta blong yumi. Olketa blong yumi hu i laef yet long taem wea Masta blong yumi hemi kambaek moa, bae olketa no save go fastaem long olketa hu i dae finis.