Jenesis 24:65 - Pijin Bible

⁶⁵ an hemi askem wakaman ya blong Ebraham olsem, “?Hu nao nem blong man ya longwe wea hemi gohed fo wakabaot kam?” Nao wakaman ya hemi tok olsem, “Hem nao, san blong masta blong mi.” Nao Ribeka hemi tekem kaleko, an hemi kavaremap fes blong hem long hem.

Pijin Deuterocanon

⁶⁵ an hemi askem wakaman ya blong Ebraham olsem, “?Hu nao nem blong man ya longwe wea hemi gohed fo wakabaot kam?” Nao wakaman ya hemi tok olsem, “Hem nao, san blong masta blong mi.” Nao Ribeka hemi tekem kaleko, an hemi kavaremap fes blong hem long hem.

Jenesis 24:65 ပူးပေါင်းရင်းမြစ်များ

Jenesis 20:16

An hemi tok olsem long woman ya, “Distaem, bae mi givim 1,000 silva seleni long brata blong yu, fo kliarem tingting blong eniwan hu maet garem nogud tingting abaotem yu long taem wea yu bin stap go wetem mi. Nao evri pipol bae save dat yu no duim enisamting wea hemi rong.”

Jenesis 24:64

An taem Ribeka hemi lukim hem, hemi jamdaon from kamel blong hem,

Jenesis 24:66

Nao taem olketa go kasem Aesak, wakaman ya hemi stori long hem, an hemi talemaot evrisamting ya long hem wea i kamap longwe.

Jenesis 38:14

So hemi tekemaot olketa ravis kaleko ya wea hemi gohed fo werem bikos hemi wido, an hemi werem olketa narafala kaleko, an hemi putum wanfala kaleko fo stopem ae blong hem, mekem olketa man i no luksave long hem, nao hemi go long taon ya wea olketa kolem Enaem, hemi go sidaon long doa blong bikfala wolston long hem. Taon ya hemi stap long rod fo go long Timna. Hemi duim olsem bikos hemi savegud dat Sela ya, lasbon brata blong hasban blong hem fastaem hemi bikfala finis, bat dadi blong boe ya hemi no kolem hem nomoa fo hemi kam maritim hem.

Aesaea 47:2

Yu mas go fo tanem bikfala ston ya fo krasim wit mekem hem kamap flaoa. Yu mas tekemaot kaleko ya wea hemi satem fes blong yu. An yu mas tekemaot olketa gudfala kaleko ya blong yu. Ya, yu mas liftimap kaleko blong yu fo katkros long olketa riva.

1 Korin 11:10

So bikos long olketa enjel, evri woman i mas kavarem hed blong hem fo somaot dat hemi stap andanit long paoa blong hasban blong hem.

1 Timoti 2:9

Mi laekem tu olketa woman fo werem gudfala kaleko, wea hemi no fo stael nomoa. An olketa mas no staelem tumas hea blong olketa o yusim enikaen gol an naesfala pel, an olketa mas no werem olketa kaleko wea hemi dia tumas fo baem.