Jenesis 21:7 - Pijin Bible

⁷ An hemi tok olsem moa, “Bifoa, no eni man save tok olsem long Ebraham, ‘?Waswe, Sera save susum pikinini yet ya?’ Bat nomata mitufala Ebraham i barava olo fogud, mi bonem nomoa pikinini blong hem.”

Pijin Deuterocanon

⁷ An hemi tok olsem moa, “Bifoa, no eni man save tok olsem long Ebraham, ‘?Waswe, Sera save susum pikinini yet ya?’ Bat nomata mitufala Ebraham i barava olo fogud, mi bonem nomoa pikinini blong hem.”

Jenesis 21:7 ပူးပေါင်းရင်းမြစ်များ

Jenesis 17:17

Nao Ebraham hemi baodaon go-go fes blong hem kasem graon, bat hemi stat fo laf taem hemi gohed fo tingting olsem, “!Maewat! Mi kasem 100 yia blong mi finis, mi no save garem pikinini. An Sera hemi kasem naenti yia blong hem nao, hem tu hemi no save bonem pikinini nao.”

Jenesis 18:13

So Yawe hemi tok olsem long Ebraham, “?Waswe nao Sera hemi laf? ?Waswe nao hemi talem dat hemi olo finis, an hemi no save bonem pikinini?

Jenesis 21:8

Nao Aesak hemi gohed fo grou, an long de wea hemi lusim susu, Ebraham hemi mekem wanfala bikfala fist fo makem de ya.

1 Kings 11:20

Nao woman ya hemi bonem wanfala boe fo Hadad, olketa kolem hem Genubat. Kuin Tapanes hemi mekem Genubat fo grouap long haos blong king, so hemi grouap tugeta wetem olketa pikinini blong king.

1 Kings 3:21

Long moning, taem mi getap fo givim susu long bebi blong mi, mi lukim dat hemi dae finis. Bat taem mi lukluk gud long hem, mi luksave dat hemi no bebi blong mi.”

Sams 86:10

Yu nomoa yu God. Ya, yu garem evri paoa, an yu save duim evri bikfala samting.

Sams 86:8

Masta, no eni narafala god moa hemi olsem yu. Bikos no eniwan long olketa hemi save duim olketa gudfala waka olsem yu.

Aesaea 49:21

Long taem ya bae yufala hapi an tokpraod olsem, ‘Olketa pikinini blong yumi ya i bon kam long wea ya? ?Hu nao hemi bonem olketa? Yumi tingse wea yumi lusim evri pikinini blong yumi finis, an hemi bin olsem wea yumi no save bonem eni moa pikinini. Olketa enemi i bin fosim yumi fo lusim lan blong yumi, mekem yumi waka olsem slev long kantri blong olketa. ?Hu nao hemi gohed fo lukaftarem olketa pikinini ya, go-go olketa kamap plande tumas olsem?’”

Aesaea 66:8

?Waswe, eniwan hemi herem finis o hemi lukim finis enisamting olsem? ?Eni kantri save kamap niu long wanfala de nomoa? !Nomoa ya! Bat taem Saeon hemi jes stat fo safa nomoa, hemi kamap olsem wanfala niu kantri nao.

Jeremaea 20:15

Letem trabol hemi kasem datfala man hu hemi mekem dadi blong mi fo hapi taem hemi talemaot nius ya olsem, “!Yu garem pikinini boe nao!”

Nambas 23:23

No eniwan hemi save wakem poesen agensim laen blong Jekob. An no eni man hemi garem paoa fo poesenem pipol blong Israel. Distaem hemi taem fo evriwan fo tokabaotem laen blong Jekob, disfala pipol blong Israel. Bae olketa talemaot olsem, ‘!Yufala kam lukim! !Hem nao waka blong God!’

Efesas 3:10

Bat distaem nao, God hemi mekem sios fo somaot evri waes tingting blong God long olketa spirit wetem olketa nara paoa moa long skae.

2 Tesalonaeka 1:10

Bae diswan hemi hapen long datfala de wea Masta bae hemi kambaek moa an pipol blong hem bae i mekhae long hem. Ya, long datfala taem, olketa hu i biliv long hem bae olketa preisim hem fogud. An yufala tu bae stap wetem olketa pipol blong Masta, bikos yufala biliv finis long olketa toktok wea mifala bin talem long yufala.