Jenesis 21:30 - Pijin Bible

³⁰ Nao Ebraham hemi tok olsem, “Mi laekem fo yu tekem olketa ya fo yu. Long wei ya nao, bae yu talem tru dat mi nao mi digim wel ya an hemi blong mi.”

Pijin Deuterocanon

³⁰ Nao Ebraham hemi tok olsem, “Mi laekem fo yu tekem olketa ya fo yu. Long wei ya nao, bae yu talem tru dat mi nao mi digim wel ya an hemi blong mi.”

Jenesis 21:30 ပူးပေါင်းရင်းမြစ်များ

Jenesis 21:28

Bihaen hemi tekem sevenfala smolfala mere sipsip moa, an hemi putum olketa tugeta.

Jenesis 21:29

Nao king hemi askem hem olsem, “?Waswe nao yu putum olketa sevenfala smolfala mere sipsip ya fo stap deferen olsem?”

Jenesis 26:15

Bifoa, long taem wea dadi blong hem hemi laef yet, olketa wakaman blong dadi blong hem olketa bin digim olketa wel olobaot long ples ya, bat, olketa man long Filistia i joles tumas, so olketa go an berem olketa wel ya moa.

Jenesis 26:18

Olketa wel wea i stap long ples ya, dadi blong hem, Ebraham nao, hemi bin digim, bat bihaen, taem hemi dae finis, olketa man long Filistia olketa berem olketa moa. So Aesak hemi gobaek an hemi digim olketa moa, an hemi gohed fo kolem olketa sem nem nomoa wea dadi blong hem hemi bin kolem long olketa fastaem.

Jenesis 31:52

Hip ston ya wetem memori ya, tufala i mak blong yumitufala long promis ya. Bae mi no save go winim hip ya enitaem fo kam faetem yu. An yu tu, bae yu no kam winim hip ya wetem memori ya enitaem fo kam faetem mi.

Josua 24:27

An hemi tok olsem long olketa evriwan, “Bikfala ston ya nao bae hemi olsem witnes blong yumi, bikos hemi olsem wanfala man wea hemi herem evri toktok wea Yawe hemi givim long yumi. Bae hemi olsem witnes fo talemaot sapos yufala duim enisamting agensim God blong yumi.”