Jenesis 18:17 - Pijin Bible

¹⁷ An taem olketa gohed fo wakabaot, Yawe hemi gohed fo tingting olsem, “Olketa samting wea bae mi duim ya, bae mi no haedem olketa from Ebraham.

Pijin Deuterocanon

¹⁷ An taem olketa gohed fo wakabaot, Yawe hemi gohed fo tingting olsem, “Olketa samting wea bae mi duim ya, bae mi no haedem olketa from Ebraham.

Jenesis 18:17 ပူးပေါင်းရင်းမြစ်များ

Jenesis 18:21

dastawe mi mas godaon long tufala taon ya fo sekemap olketa toktok wea mi bin herem, mekem mi faendemaot wea hemi tru o nomoa.”

Jenesis 18:22

Nao tufala narafala man ya i gohed fo wakabaot go long Sodom, bat Yawe hemi stap nomoa bihaen wetem Ebraham.

Jenesis 18:26

Nao Yawe hemi tok olsem, “Sapos mi faendem fifti gudfala pipol i stap nomoa long Sodom, bae mi letem evri pipol long taon ya fo laef from fifti gudfala pipol ya.”

Jenesis 19:24

Seknomoa, Yawe hemi sendem kamdaon hot ston an hot asis wea i laet, fo hemi fo-foldaon kam from skae olsem ren antap long tufala taon ya long Sodom an Gomora.

2 Kings 4:27

Den taem hemi kam long maonten kolsap long man blong God, hemi godaon holem lek blong hem. Nao Gehasi hemi stat fo pusum hem aot, bat man blong God hemi tok olsem, “Yu letem hem. Hemi filnogud tumas. Bat Yawe hemi haedem samting ya an no talem long mi.”

2 Kronikols 20:7

Lod God blong mifala, yu bin aotem olketa pipol wea i stap long disfala lan fastaem, an yu givim lan ya long olketa olfala grani blong mifala fo stap long hem olowe. Olketa ya i long laen blong Ebraham hu hemi fren blong yu.

Sams 25:14

Lod Yawe, yu frengud wetem olketa pipol hu i obeim yu, an yu gohed fo mekem olketa savegud long spesol agrimen ya, wea yu bin mekem bifoa wetem olketa grani blong olketa.

Emos 3:7

Ya, Lod Yawe hemi no duim enisamting sapos hemi no somaot yet long olketa profet hu i wakaman blong hem.

Gudnius abaotem Jisas Kraes wea Jon hemi raetem 15:15

Distaem, mi no kolem yufala olsem olketa wakaman blong mi, bikos wakaman hemi no save long wanem bos blong hem hemi duim ya. Bat mi kolem yufala olsem olketa fren blong mi, bikos evrisamting wea Dadi blong mi hemi talem long mi, mi talem long yufala finis.

Jemes 2:23

So wanem Buktambu hemi talem hemi tru, wea hemi sei, “Ebraham hemi biliv long God, dastawe nao God hemi sei hemi stretfala man.” Dastawe God hemi kolem Ebraham fren blong hem.