Jenesis 1:14 - Pijin Bible

¹⁴ God hemi tok moa olsem, “Olketa laet mas kamap long skae fo makem de an naet. Olketa samting ya bae i fo makem olketa de, an olketa yia, an taem.

Pijin Deuterocanon

¹⁴ God hemi tok moa olsem, “Olketa laet mas kamap long skae fo makem de an naet. Olketa samting ya bae i fo makem olketa de, an olketa yia, an taem.

Jenesis 1:14 ပူးပေါင်းရင်းမြစ်များ

Jenesis 1:13

Nao de ya hemi finis. Hem nao mektri de blong wol.

Jenesis 1:15

Bae olketa stap long skae, an olketa fo saenaot go long graon ya, mekem hemi garem laet.” Nao olketa laet ya i kamap olsem wea hemi bin talem.

Jenesis 8:22

“Distaem, long wol ya, hemi garem taem fo plantem gaden, an hemi garem taem fo tekemaot frut long hem. Hemi garem taem fo tukol, an hemi garem taem fo tuhot. Hemi garem taem wea lif hemi foldaon, an hemi garem taem wea lif hemi grou moa. Hemi garem taem blong de, an hemi garem taem blong naet. An olketa samting ya, bae olketa no save finis, go-go kasem en blong wol.”

Jenesis 9:13

Bae mi putum renbo blong mi fo hemi stap long klaod, an renbo ya bae hemi saen long promis blong mi ya, wea mi mekem wetem yufala.

Stori abaotem Job 25:3

No eniwan nao save kaontem olketa enjel insaet long ami blong hem. An laet blong hem hemi saenaot go long evri ples.

Stori abaotem Job 25:5

Taem God hemi luk long mun an olketa sta, olketa nating braet o klin nomoa long ae blong hem.

Stori abaotem Job 3:9

Hemi gud sapos olketa sta blong eli moning long datfala naet i bin kamap tudak. An hemi gud tu sapos datfala naet hemi weit nating long delaet.

Sams 119:91

Evrisamting i stap olsem kam nao falom toktok blong yu ka-kam kasem tude, bikos olketa falom kam wanem yu bin mekem olketa fo hem.

Sams 148:3

!Preisim hem, yutufala san an mun! !Preisim hem, yufala olketa sta!

Sams 148:6

Hemi talem olketa samting ya fo stap long ples blong olketa olowe nao, an olketa mas falom toktok ya nao.

Sams 150:1

!Yumi preisim Yawe! Yumi preisim God long Tambuhaos blong hem. Ya, yumi preisim hem fo paoa blong hem long heven.

Sams 81:3

Long fist blong Niumun, an fist blong Fulmun, yumi mas bloum konsel fo statem wosip.

Aesaea 40:26

!Yufala lukap go long skae! ?Hu nao hemi mekem olketa sta? God nao hemi mekem an hemi putum olketa long barava ples blong olketa, an hem tu hemi givim olketa nem long olketa. An bikos hemi barava strong tumas an hemi garem evri paoa, no eni sta save lus from ples blong hem.

Jeremaea 10:2

Yawe nao hemi tok olsem, “Yufala mas no falom wei blong olketa pipol blong olketa narafala kantri. An yufala mas no fraet long eni bikfala saen wea hemi kamaot long skae, nomata man long olketa narafala kantri i fraet long hem.

Jeremaea 31:35

God, hu hemi putum san fo laet long de, an hemi putum mun an olketa sta fo saen long naet, an hu hemi garem paoa fo mekem solwata hemi kamap raf tumas an mekem bikfala noes, nem blong disfala God nao: Yawe hu hemi garem evri paoa. Yawe nao hemi tok olsem,

Jeremaea 33:20

Yawe nao hemi tok olsem, “Jeremaea. Mi mekem spesol agrimen wetem de an naet, wea oltaem nomoa, de bae hemi kam long stret taem blong hem, an naet bae hemi kam tu long stret taem blong hem. An no eniwan save brekem disfala strongfala agrimen enitaem.

Jeremaea 33:25

Bat mi talem yu tru nao: Bae mi no brekem disfala strongfala agrimen wea mi bin mekem wetem de an naet, an bae mi no letem skae an disfala wol fo brekem olketa lo blong mi.

Esikiel 46:1

Lod Yawe hemi tok moa olsem, “Mi Lod Yawe nao mi tok olsem: Long olketa siksfala de ya fo waka, disfala geit long ist saet blong smolfala open eria kolsap long Tambuhaos blong mi, hemi mas sat. Bae yufala openem nomoa long Sabat de an long Fist blong Niumun.

Esikiel 46:6

“An long Fist blong Niumun, king mas tekem kam wanfala yang man buluka, an siksfala yang sipsip, an wanfala man sipsip, wea i no garem enisamting rong long bodi blong olketa, fo sakrifaesim kam long mi.

Joel 2:10

Taem olketa grashopa ya i gohed fo muv kam, graon hemi seksek fogud, an skae tu hemi seksek. Ya, san an mun i kamap tudak an olketa sta i nating saen moa nao.

Joel 3:15

An long de ya tu, bae san an mun an olketa sta bae i no saen nao.

Emos 5:8

Yawe nao hemi garem paoa. Hemi mekem olketa sta an hemi putum olketa long skae. Hemi mekem tudak fo kamap delaet, an hemi mekem de fo kamap naet. Hemi mekem wata fo goap long skae, an hemi mekem hem kamdaon moa long wol olsem ren. Hemi garem paoa olsem laetning fo spoelem finis olketa strong man blong disfala wol, an fo brekemdaon olketa strongfala sefples blong olketa fo haed long hem. !Ya, nem blong hem nao, Yawe!

Emos 8:9

Hem ya mesij blong Lod Yawe, ?Long datfala De , bae mi mekem san fo godaon nomoa long midol long de, an bae mi sensim delaet long tudak.

Matiu 2:2

Nao olketa ask olsem, “?Wea nao disfala smol pikinini wea bae hemi king blong yufala olketa Jiu? Mifala kam fo mekhae long hem nao ya, bikos sta blong hem, mifala lukim finis taem hemi kamap long ist.”

Matiu 24:29

An Jisas hemi sei moa, “Bihaen disfala taem blong bikfala trabol ya nomoa, san bae hemi stat fo dak nao, an mun tu bae hemi no save saen kam. An olketa sta long skae bae olketa foldaon, an evri strongfala samting long skae bae olketa seksek olobaot.

Gudnius abaotem Jisas Kraes wea Mak hemi raetem 13:24

An Jisas hemi sei moa, “Bihaen disfala taem blong bikfala trabol ya nomoa, bae san hemi stat fo dak nao, an bae mun tu hemi no save saen kam moa.

Gudnius abaotem Jisas Kraes wea Luk hemi raetem 23:45

An disfala bikfala kaleko wea hemi hangdaon insaet long Tambuhaos ya, hemi brek long midol nao.

Diutronomi 4:19

Yufala mas keakea nogud samfala man laea long yufala, an pulum yufala fo baodaon an wosipim olketa samting wea yufala lukim long skae, olsem san, an mun, an sta. Yawe hemi givim olketa samting ya olsem blesing long olketa evri pipol.

Revelesin 6:12

Nao mi lukim moa Smolfala Sipsip ya hemi brekem meksiks tambu mak long skrol ya. An wanfala bikfala etkuek hemi barava seksek fogud, an san hemi no saen, an evriwea hemi barava tudak, an mun hemi kamap red olsem blad.

Revelesin 8:12

Nao mekfoa enjel hemi bloum trampet blong hem. An bikfala haf blong san an bikfala haf blong mun hemi dae. An hemi olsem tu long olketa sta, wea bikfala haf blong olketa hemi dae. So bikfala haf long de hemi no garem eni laet long hem, an bikfala haf long naet hemi olsem tu.

Revelesin 9:2

Nao taem hemi openem hol ya, bikfala smok nao hemi kamaot long hem, olsem smok blong bikfala faea. An smok ya hemi satem laet blong san an hemi mekem skae fo tudak.